华工,一般系指喺晚清时期,走去海外打工嘅华人劳工同埋苦力,通常都系嚟自穷乡僻壤嘅农民或者渔民,特别系广东五邑地区

 

畀啲招工馆哩类嘅中介公司呃或者骗去外国搵食,佢哋会收到一啲首期嘅预支人工,但系有啲招工公司就要扣翻一笔介绍费、交通费同埋佣金,先至可以上船,好似系东南亚、美国、加拿大同澳洲咁,甚至去到古巴同秘鲁等嘅国家度做嘢。

 

佢哋当中有唔少人因为无办法返来中国,而且得唔到侨居地嘅公民权利、无法得到移民资格而客死异乡。

 

「卖猪仔」就听得多嘞,但其实究竟系点卖?

 

喺19世纪中后期至20世纪初期,由于哩啲出国嘅劳工都会签约,称为契约华工,俗称卖猪仔。贩运、交易猪仔嘅地方叫做招工馆,俗称猪仔馆,葡话叫做Barracoon名巴拉坑。澳门喺19世纪时期系猪仔嘅贩卖中心。听讲话圣安多尼教堂同大三巴牌坊之间系猪仔馆林立嘅地方。

 

卖猪仔,系中国人嘅自嘲之称,西方人叫佢做咕哩。最早期嘅猪仔通常系卖去南洋,菲律宾、马来西亚、印尼同泰国等地方。猪仔嘅本质上系叫做合同劳工。合同写明打工嘅期限同人工待遇。期限一般有三年、五年同十年等三种。待遇系根据合同嘅长短来定。十年期嘅猪仔预畀安家费二十银元,五年嘅十五元,三年嘅十三元,包一日三餐同埋住。

 

又听讲,喺19世纪尾嘅沙俄时期,有啲华工曾经由香港畀人送去库页岛嘅西岸度做煤矿矿工。喺当时嘅清政府正系忙紧处理太平天国,对人口管制无暇兼顾,更加唔会得罪啲列强鬼佬,搞到中国沿海地区例如澳门、汕头同香港等嘅地方猪仔馆多过米铺。

 

其实全世界最早嘅卖猪仔对象系印度人,佢哋到嘅地方系模里西斯,亦系全世界最早有卖猪仔嘅地方。

 

贩卖华工系一种暴利嘅生意。当时嘅中国实在太多穷人,所以货源不绝。除咗家贫而自愿签合约到外地打工之外,有啲就系畀人拉佚囚禁喺啲猪仔馆度,畀人逼签约,再用大船运出国外嘅猪笼仔。