广东三宝系广东三样正嘢,但究竟系边三宝?就有好多个版本啦,最多人认同嘅版本就系指陈皮、老姜、禾秆草。

 

不过亦都流传有其他版本,好似有:

 

烧鹅、荔枝、凉茶铺 
青椒、矮瓜、炸豆腐 
家姐、细佬、飞发铺 
香肠、蚊帐、机关枪 
生鬼、搅笑、无厘头

 

广东第一宝〔陈皮〕

 

陈皮系广东嘅特产,用青柑嘅皮晒干之后收好佢,可以摆好耐,越耐越好,而摆得唔够耐嘅就只系叫果皮。广东人煮嘢食好多时都会用陈皮嚟调味,好似煲汤、煲粥、煲红豆沙、蒸海鲜,亦都可以当口立湿。陈皮仲有一个妹架,知唔知佢叫咩名呀?

 

 

广东第二宝〔老姜〕


姜,原产喺南洋热带地方,啲花系黄绿色,根茎有好刺激性嘅香味。姜无论系新鲜定系干,都可以做调味料。买返来生嘅,就叫生姜。泡制过嘅姜,系中药之一,可以冲成姜茶。姜汁亦可以用来整甜品,譬如姜糖、姜汁撞奶,姜汁可乐等等。摆得耐嘅姜就叫老姜,辣味够劲,所以好多人都讲“姜系老嘅辣”。喺广东话入面,姜亦有胆量同勇气嘅意思。例如话人“乜咁够姜呀?”,就系话你好够胆或者系有勇气嘅意思。

 

 

广东第三宝〔禾秆草〕


稻草喺农业嘅用途有好多,喺以前四围都可以见到,亦畀到人一个平凡嘅印像,所以广东话有句“禾秆冚珍珠”,好嘢冇人知,或者未畀人搵到出嚟,亦有寓意啲有钱人唔晒命,外表就睇唔出佢有钱。“识佢就系宝,唔识佢就系草”亦系另一句讲稻草嘅用处,系话识得用就相当有价值。