邻居系一对和蔼可亲嘅四川老夫妻。待人和善,不时都会将他们煮嘅菜同我分享,为此,我十分感动。

 

寻晚晚饭,佢哋又送咗碟“夫妻肺片”畀我,但系我拒绝咗......

唔使加辣啦,唔该!-羊城网——懂互联网,更懂广州!

 

阿爆:“谢谢,不过心领了!我吃不了辣。”

 

老先生:“广东这地方湿啊!吃点辣好,祛湿!”

 

阿爆:“我一吃辣就上火!”

 

老先生:“你们广东人这身体不行啊,看我们这么大年纪,这么健康全靠吃辣椒!”

 

阿爆:“......”

 

 

唔使加辣啦,唔该!-羊城网——懂互联网,更懂广州!

拒绝人哋嘅一番好意,实在于心有愧,但我体质属于典型“热底”,唔系怕辣,只不过薯片食多几块,第二日都会喉咙痛、生痘痘,我仲敢食辣?

 

 

唔使加辣啦,唔该!-羊城网——懂互联网,更懂广州!

 

话虽如此,但我几乎每日都会接触到“辣”。对于我呢个“唔钟意食辣”嘅人嚟讲,非常尴尬!

 

 

唔使加辣啦,唔该!-羊城网——懂互联网,更懂广州!

 

唔少身边嘅好友,原来都有咁嘅感觉:

 

又上火又热气,食咩辣啊!啲餸又唔系唔够味,唔够味加啲盐咯!

——我老窦

公司楼下有档肠粉铺,买碟肠粉佢问我要唔要辣椒,去过一次就冇去过了!

——蔡小姐

 

唔使加辣啦,唔该!-羊城网——懂互联网,更懂广州!

依家出去食乜都问加唔加“辣”,食个云吞面都问加唔加辣,我虽然都钟意食辣,但系云吞面加辣,咁咪变咗“抄手”?

——钟先生

 

唔使加辣啦,唔该!-羊城网——懂互联网,更懂广州!

有次喺一间酒楼食饭,点咗只白切鸡,蘸料居然上咗一碟姜葱、一碟辣椒酱......本地嘅酒楼,但系做得一啲都唔本地,拉黑!

——冯先生

个人口味还个人口味,但系有啲传统粤菜,真系唔适合加辣椒酱嘎!加咗唔紧要,麻烦改改名、标个备注好唔好?例如“干炒牛河”,加咗辣,唔该你改成“辣炒牛河”喇!

——黄小姐

我都几钟意食辣嘢,贪佢够刺激,至于好唔好食,就见仁见智喇,反正我就觉得,粤菜最好食!

——叶太

 

唔使加辣啦,唔该!-羊城网——懂互联网,更懂广州!

“辣”同“鲜”可以结合到?可能系我见识少啩...我一直都觉得,加咗辣椒嘅,无论鸡、猪、牛、羊、鱼,基本上都系同一个味道。

——梁先生

回想起中学时代,一定会买支辣椒酱送饭,唔系因为辣椒酱好食,系因为饭堂啲饭餸太难食,冇辣椒酱根本入唔到口!

——张小姐

 

唔使加辣啦,唔该!-羊城网——懂互联网,更懂广州!

有次去重庆,是正宗嘅麻辣火锅,真系好辣,好唔好食都分唔出了!返到广州,食返粤菜,都系觉得粤菜先系挚爱!

——阿Ben

 

唔使加辣啦,唔该!-羊城网——懂互联网,更懂广州!

各位自己友,你钟唔钟意食“辣”?

对于买牛河、肠粉、云吞面都问加唔加辣,

呢种情况,你又有咩睇法?

唔使加辣啦,唔该!-羊城网——懂互联网,更懂广州!