打工仔最怕乜嘢?

唔系怕老世郁啲发威乱吠,

而系怕撞正一个孤寒缩骨嘅老世,

而佢个名叫做

Kobe

抠 逼

喺广州,有个孤鸠寒嘅老世系点样嘅体验?-羊城网——互联网+粤文化收集咗广大老友记嘅留言之后,

总结出一个孤寒老世嘅

四大通病

一、OT从来冇补水

@神经大条的霖:次次临收工,老细都会攞住几份文件走出房间,然后用急速语气讲:“大家帮帮手,呢几份文件赶住听朝比个客,今晚餐饭入我数!”结果大家“奉旨”作战到9、10点,所谓“今晚餐饭”其实就系个烂鬼Pizza,仲要八个人分!加班费?你食咗啦!

@塞蜀黍:今年中秋节三日要喺公司加班,老世发咗几个月饼就当加班费,仲要系超市散装嗰只.....

喺广州,有个孤鸠寒嘅老世系点样嘅体验?-羊城网——互联网+粤文化

二、做到骨都脆,人工攞“鸡碎”

@阴天宅男P&D:打工仔每年最开心莫过于年终奖,不过我完全无期待。因为老世年年都话“公司赚得唔多,大家继续努力,下年补份大嘅!”。做又三十六,唔做三十六...

@SLOOAO:过年嗰时,老世居然派利是!一人一封!摸咗摸,觉得有料喔!至少4张,今次冇死了挂!!结果拆开……里面四张毛爷爷大细嘅纸,写住“继续努力”!!!真系你老味啊!

@chleung:攞到工资单,老世发现我心情唔靓,于是叫我入佢房,语重心长咁话:“我知你做得嘢,帮到公司手,我睇好你噶!你仲后生,公司会畀足机会你学嘢,唔好计呢啲湿碎钱,目光要放长远啲!”我心谂,唔同你讲钱,唔通同你讲心啊?

@STM:上年评年度最佳员工,奖金1千元,结果有两个人票数并列第一,老世宣布取消呢个奖项。

@婉婉家有只喵:年底双粮分5次发......高明咯,想辞职都辞唔到!

喺广州,有个孤鸠寒嘅老世系点样嘅体验?-羊城网——互联网+粤文化

三、“补贴”当“福利”

@MoMoMo巫君:端午发嘅员工福利系两个粽,不过系电子版,直接发到我邮箱!老世,想畀只中指你!

@芥子针锋:老世佢香港出差,买咗包化妆绵做手信,6个女同事分……

@雯雯猪CC:人哋公司过年前都会出去食餐团年饭,我哋嘅“团年饭”居然每人一个“都城快餐”外卖,边食仲要边开会........

@阿爆的一些事一些情:开工利是都系得10蚊……真系X你老母啊!今时今日10蚊买到乜撚啊?麦当劳超值午餐都仲要再打个五折先食得起!

喺广州,有个孤鸠寒嘅老世系点样嘅体验?-羊城网——互联网+粤文化

四、咩都悭,正一孤寒鬼托世

@芦小哈:打印之前,禁止字体设为黑体或者加粗,嘥墨水喔……

@傲娇小绵羊_Joa:室内气温没到35℃,唔准开空调。仲将空调遥控器摆喺自己房嘅夹万度锁埋!

@黄昏中摇曳的玫瑰:同领导出差,中午搵间餐厅食饭,佢竟然净系点咗一个扬州炒饭,然后攞个空碗分一半畀我食,佢话:“顶住肚先,夜晚我哋再去食餐好嘅!”终于挨到夜晚,扑街领导话:“夜晚唔好食咁多嘢,对身体唔好!”跟住畀咗个杯面我....

@豬扒大嬸:公司冇饭堂,同事都系自己带饭,结果老板发通告话:“为了节约用水、避免浪费,请自带午餐的员工将餐具带回家清洗!公司已经安装监控设备,希望大家遵守公司规定!”哇!咁以后喺公司开大,系唔系都要喺屋企带水返公司冲啊?

喺广州,有个孤鸠寒嘅老世系点样嘅体验?-羊城网——互联网+粤文化

呢啲老世嘅“缩骨功”真系举世无双,一定可以称霸武林。讲明先啦!我哋羊城网嘅劳总绝对唔系呢种KOBE老世!大家唔好误会!我有一个好老世!我好开心,我好快乐!

PS:图文无关。

喺广州,有个孤鸠寒嘅老世系点样嘅体验?-羊城网——互联网+粤文化

素材来源于网络,版权归原创者所有。

自己友Tee「为食人生」系列

益街坊价每件99元

喺广州,有个孤鸠寒嘅老世系点样嘅体验?-羊城网——互联网+粤文化