细细个就听阿妈成日话状元坊啲嘢便靓正,品种又多,仲好多嘢食添。所以每次有得出街,我都好想阿妈带我去状元坊吃喝玩乐。次次去到状元坊都唔记得返屋企。

反而大个咗几乎无再去过状元坊。近排见到人哋影嘅状元坊,人烟稀少,已经唔再系我记忆中嘅人头济济嘅样,觉得好唏嘘。所以今日带大家搵返当年嘅回忆

爱在记忆中找你:状元坊仲剩低啲乜?-羊城网——懂互联网,更懂广州!

(状元坊依家已经人烟稀少,摄影/陈忧子)

来源

 

讲开又讲喇,大家知唔知状元坊名字嘅来源?

状元坊以前就叫泰通坊,大家都以为同状元伦文叙有关。因为喺明朝年间,街内有一间"朱义盛"嘅金银首饰店,开张挂牌时招牌挂唔上去,而伦文叙一到哩道,就挂上去喇。后来哋人就作咗个古仔叫"状元坊与朱义盛"。其实,“状元坊”哩个名,喺元代已经叫开喇,其真正起因,系为咗纪念宗末状元张镇孙。大家如果对哩段历史感兴趣嘅话,可以去上网搜索下。

爱在记忆中找你:状元坊仲剩低啲乜?-羊城网——懂互联网,更懂广州!

(状元张镇孙雕像,同街道入边啲店铺有啲唔搭)

 

过去

 

早喺明朝,状元坊就有好多专门从事刺绣嘅手工艺作坊;到清乾隆时,状元坊嘅绣庄织号已经有五十几家,绣工3000几人,係岭南著名嘅刺绣戏服市场,并以技术精巧而享誉国内外。

旧时嘅省港大班、四乡戏班、粤剧名伶都以到状元坊购置戏服行头为荣。咩龙袍蟒衣、凤冠霞帔、彩翎靴履、玉带战旗等各式各样华衣服饰摆满咗成条状元坊。

爱在记忆中找你:状元坊仲剩低啲乜?-羊城网——懂互联网,更懂广州!

(旧时50年代嘅状元坊)

 啲喺十三行做买卖嘅鬼佬最喜钟意嚟哩度,对于佢哋嚟讲,状元坊先至系真正嘅“西洋镜”。上世纪50年代,状元坊仍以戏服制作闻名羊城。

喺戏服制作鼎盛嘅年代,状元坊内全部都系戏服制作嘅手工作坊。果时嘅手工作坊都系家庭式嘅,而且好多都系传统嘅西关大院嘅样。靠近街边嘅低层,系售卖嘅店铺;往入、往上,就系一个家庭所有成员嘅居所。大家喺度安居乐业,一代传一代。

 

爱在记忆中找你:状元坊仲剩低啲乜?-羊城网——懂互联网,更懂广州!

 

不过随住时代嘅发展,戏服行业日渐式微,依家嘅状元坊已经好难见到昔日“戏服一条街”嘅繁荣景象。

喺“状元坊”牌坊隔离,有一家并唔显眼嘅“状元坊戏服厂”,店入边摆满咗各款古老戏服,不过前来问津嘅人寥寥无几。好多人都唔知道,哩间已经系状元坊嘅最后一家戏服制作厂,经营者董惠兰自细喺状元坊一带长大,高中毕业后就开始学绣花、戏服设计,至今从事戏服制作已经有三十几年,系粤剧戏服设计同制作嘅熟练手艺人。

 

爱在记忆中找你:状元坊仲剩低啲乜?-羊城网——懂互联网,更懂广州!

(制作厂入边嘅工人,摄影/陈忧子)

 

曾经嘅辉煌

 

从90年代开始,状元坊开始设立工艺品市场,并逐步发展成为远近闻名、颇有特色嘅学生用品和工艺精品专业街。

爱在记忆中找你:状元坊仲剩低啲乜?-羊城网——懂互联网,更懂广州!
(图为客人在挑选商品,摄影/几米Cora)

到2000年时,状元坊达到咗辉煌时期,街头到街尾人潮汹涌,哩头仲未找钱俾客人,果头客人已经被后边嘅人流撞走咗。所以状元坊又有个“撞人坊”嘅外号。

 

爱在记忆中找你:状元坊仲剩低啲乜?-羊城网——懂互联网,更懂广州!
(昔日繁荣场景)

 

爱在记忆中找你:状元坊仲剩低啲乜?-羊城网——懂互联网,更懂广州!
(哩间麦当劳甜品站曾经被称为最赚钱嘅甜品店,依家都已经执咗啦)

没落

 

近十年,随住城市商圈转移,附近上下九、十三行等中国最早时尚地都基本被天河等新兴商圈替代,尤其系自身消防整改、广州地铁沿线购物中心建成同网购嘅兴起,曾经摩肩接踵嘅状元坊,变成咗一条3分钟就可以行晒嘅巷仔。

 

爱在记忆中找你:状元坊仲剩低啲乜?-羊城网——懂互联网,更懂广州!

 

沿路店铺基本关晒,大部分商铺都挂住招租转让嘅牌。

爱在记忆中找你:状元坊仲剩低啲乜?-羊城网——懂互联网,更懂广州!爱在记忆中找你:状元坊仲剩低啲乜?-羊城网——懂互联网,更懂广州!

 

零星几个仲开铺嘅老板,都坐喺铺头入边无野做,唯有玩手机。

爱在记忆中找你:状元坊仲剩低啲乜?-羊城网——懂互联网,更懂广州!

爱在记忆中找你:状元坊仲剩低啲乜?-羊城网——懂互联网,更懂广州!

对于更多嘅广州人嚟讲,依家嘅状元坊,早无咗昔日人潮涌涌嘅热闹,无咗新品嘅精致,无咗地道嘅广州美食,亦都无咗往昔果份“七分街坊味,三分熟客情”嘅地道广州情怀。“现在的状元坊能逛的只剩回忆。”一名广州网友喺微博度咁写。

 

爱在记忆中找你:状元坊仲剩低啲乜?-羊城网——懂互联网,更懂广州!
(午后嘅状元坊望落去好空荡)

 

虽然,依家嘅状元坊已经系成为咗大部分广州人心目中嘅一个历史景点。但系佢过去曾经辉煌过嘅历史系无法磨灭嘅。希望政府可以好好改造状元坊,令佢可以跟上时代嘅脚步,唔好变成一个只可以喺回忆入边回想嘅街道喇~

 

来源:广州日报、羊城晚报、寻城记·广州