1.厉害

厉害，正确发音为lai6害，形容強烈手段。但好多后生仔就读成lei6害，就变成『利害』，利害系一种关系，利害关系，是利、是害？权衡利害。

2.几成

旧时，听老一辈嘅人，讲「件衫几cing4新」（音：情同音）。但发觉，宜家嘅人，偶然会听到讲「几sing4新」（音：乘同音）。成系多音字，读音会决定含义，读cing4代表「成数」，泛指「比率」，所以严格上，读「几sing4新」系唔够准确。

3、郁：wat1

普通话读作“yu4”，受普通话影响，好多人都会读“juk1”（旭、沃），尤其系“郁(juk1)闷”。但当你细心惗惗，你平时会唔会读成“郁(juk1)金香”，你就知道佢应该系读“郁(wat1)金香”同“郁(wat1)闷”啦。同音字如“屈”。

4、五：ng5

好多人都会读成闭嘴嘅“m5”，但其实应该系张嘴嘅“ng5”。类似嘅仲有将“吴”(ng4)读成“m4”，“忤”(ng5)读成“m5”，“悟”“误”(ng6)读成“m6”。后生仔好容易读错，但老一辈嘅人就一般唔会读错。而“唔”，老一辈人好似都好多会读“ng4”，香港人亦都系噉读，而广州年轻人女就多读“m4”。根据香港中文大学粤语审音配词字库，其正音应为“m4”，所以我哋系啱嘅！

5、鄙：pei2

普通话读作“bi3”，受普通话影响，好多人会读成“bei2”（比、畀）。正确读音应为“pei2”，与“嚭”“痞”同音。

6、纠：gau2

普通话读“jiu1”，唔知点讲，反正有人读“gau2”（久、九），亦有人读“dau2”（豆、抖）啦。其实“dau2”亦唔算错，系异读字，不过原音为“gau2”。

7、生：saang1

普通话读作“sheng1”，唔知道系受普通话影响，定系平时某啲词音顺嘅关系，好多时会读成“sang1”（鼪、湦）。真系好难搵到“sang1”嘅同音字，因为大多数读呢个音嘅字本音都系“saang1”，只系异读成“sang1″，例如“甥”“笙”“牲”。同样，“生”亦常被异读成“sang1”。

8、厨：ceoi4

“厨”读ceoi4，同音字有“徐”“除”“锤”等。但亦好多时被异读为“cyu4”，同音字有“滁”“躇”。

9、触：zuk1

受普通话影响，有啲人会读“cuk1”（速）。此音亦算正确，为异读音。但“zuk1”为正音，同音字有“捉”“竹”等。 

10、铳：cung3

主要用喺打麻将里面嘅一个术语——“出铳”。好多人将佢写成“出虫”，并且将“虫”读歪成“cung2”（宠）。其实呢个字应该同“冲”“揰”同音。