呢几日上班真系一个煎熬，

相信你都同吖鸭一样身同感受。

冇错就系，无心工作！

“期待已久嘅假期准备到啦！”

“争取呢几日搞掂晒啲工作”

“今次一定要趁住呢个假期去放松下！”

“约埋班契弟一齐去high下”

……

终于可以摆脱日常四重奏啦！

真系谂下都开心！

系噶，真系谂下就好啦。

你又未好似吖鸭咁

得个谂！

想去旅游。

冲个浪扮下型仔。

谂下屋企铺床，

都系罢Q就啦！

想约班老友出嚟玩下吹水，

最好带埋佢哋啲靓女/仔同事嚟。

一打开微信，

咪又系嗰句：开返铺先！

约班兄弟去酒吧睇波啦，

顺便睇睇有冇可能艳遇。

啱打开微信，

即时就觉得攰，都系下次先约。

羡慕人哋去野餐啊，赏花啊。

一攞部手机出嚟，

“都系觉得手机最好玩。”

假期到啦，都系增值下自己。

睇下书啦。

睇下手机上面边款APP睇书好用先。

睇下睇下就唔记得自己嘅本意。

喺办公室成日坐，

趁住假期去运动下先！

set好程序，带好耳机。

“哎呀，好攰啊，都系听日先去啦！”

日日返工食外卖，

趁放假整餐好嘢畀自己食先！

谂下要准备好多嘢，

最后都系手机外卖先系真爱。

放假＝用手机过假期

“算啦算啦。

我都系瞓低摊尸算罢啦。”

系唔系觉得今次清明浪费三日假期呢？

唔使担心，好快五一就到啦！

……

……

……

又可以虚度多三日光阴啦！