BUT

人生在世，

反白眼都要睇场合，

有啲白眼不可以话反就反！

比如喺人生好多场合，

我就曾经忍住冇反无数嘅白眼，

同无数句“吔屎啦你”！

01

同老世开会两粒钟，

老世发言次次都三幅被！

我够想光明正大反白眼，

问题系，

老世嚟噶，你敢反抗佢咩！

02

遇到奇葩甲方，提出奇葩要求，

改咗十几次稿！

我够想光明正大反白眼，

问题系，

都改咗廿几稿，算啦忍埋佢！

鬼叫今年食粥食饭睇佢！

03

姊妹第十几次同男朋友吵交，

问应唔应该分手？

我够想光明正大反白眼，

问题系，

我游说你分手，

你之后咪又自己犯贱送返上门！

04

新年返屋企，

三姑六婆催我搵男朋友结婚！

我够想光明正大反白眼，

问题系，

我阿爸阿妈就坐隔离！

05

我话我病咗，

男朋友唯一嘅回答就系

饮多啲热水！

我够想光明正大反白眼，

问题系，

我连男朋友都冇，有鬼机会反白眼咩！

06

同事日日晒自己有钱，

得闲就发朋友圈晒命！

我够想光明正大反白眼，

问题系，

日日朝见口，晚见面，唔通反面咩！

07

每逢过年、每月第一日

实有人喺朋友圈发鸡汤，

“新的一年，新的开始！”

我够想光明正大反白眼，

问题系，

咁个个人点赞，我冇理由唔点噶……

08

被街头啲推销员捉住，

一直推销嘢，仲要扯住我唔畀走！

我够想光明正大反白眼，

问题系，

九年义务教育养成嘅良好少先队员品质

成功限制咗我反白眼！

各位自己友，

仲有咩瞬间你好想反白眼，

但偏偏要忍住啊？

今日一次过讲晒出嚟发泄啦！