最近丧界文化爆红，从马男波杰克到日本UCC咖啡、丧茶，一丧不可收拾……

今次我哋打算食住呢个势，打造广东最丧羊快餐。

一般人，食饭，都会同朋友一齐。

去埋都系气氛温馨灯光柔和嘅餐厅，垃圾，一啲创意都冇。

一三五，同样靓身材正、自拍最省镜嘅情敌食饭，打7折送恨到出汁意粉；

二四六，带征地暴富、心中有抱负嘅前任食饭，全单6折送抓黄脚鸡服务；

星期日单身狗一个人打边炉，免汤底送冬瓜豆腐，狗粮半价。

当然，最好咪嚟堂食，费事畀咁多人工同铺租。

皆因我哋计划推出O2O羊快餐，开启线上落单线下送餐模式，你落单我帮你送畀仇家，一键报仇。

精选柠檬苦而不甘。

呢镬大柠乐，你快乐时，佢大镬。

心里有条翅，同事有敌意。

粉厚肉少，热气首选。

那么大猪扒，恶啃冇花假。

落订畀仇家，好评送多打。

食到佢口哑，沟埋件猪扒。

送礼最紧要体面。

超值「日日畀人桶」，随桶附送仿真硬胶刀。

有人会问，送咁多嘢畀仇家，点解唔对自己好啲？

羊快餐《爱·自己》系列，转发优惠券收获全年好运。

梳返个靓挞，客户实翻哒。

发型保持高档次，生意点止做一次。

日日收工似旋风，即时闪人冇影踪。

唔使用剑嘅，用脚咪得咯。

边个话甜品一定要甜？咸湿都系一种口味。

蜡笔小新地，带畀你惊喜。

做人唔可以狗，更加唔可以鸡！

就算鸡，都要做最丧嗰只鸡。

点解小朋友有开心乐园餐，大人冇？

唔通大个咗，开心变得咁难？

羊快餐全新推出「成人专享东莞乐园餐」

全部都系鸡，包你食过返寻味。

开心霸王餐，有10%嘅几率唔会打到重伤。

我哋打开门做生意，唔会求其打一身就算嘅。

正所谓搏一搏，仲会打多镬。

以上产品已申请专利保护。

如果你想偷产品图自己开店，唯有祝你掉粉兼封铺。