摘要：即点即有，光速上菜，大件夹抵食嘅碟头饭，去边度搵？
一个人嘅时候唔想煮饭，但又想食住家饭；
上班中午成日唔知食咩好，时间短选择少；
打完波饿到肚扁，想食啲又热又饱嘅嘢……
呢啲时候，你嘅最佳选择就系一碟新鲜热辣嘅碟头饭。
碟头饭藏身于各种快餐店、茶餐厅、大排档，陪住广东人度过无数餐午饭晚饭，佢冇中餐围头饭咁隆重，亦冇西餐咁讲究，即点即有，光速上菜，方便快捷，令碟头饭成为咗平民百姓嘅挚爱。
碟头饭其实源于广州，最初又叫咕哩饭。
抗战胜利后，广州饮食业发达，各大酒楼每日都有好多剩饭剩菜，酒楼伙计唔想浪费，就收集酒楼嘅剩饭剩菜，以最低廉嘅价格卖畀啲咕哩。
咕哩饭饭量足，有餸有汁，抵食夾大份，啱晒每日有极大运动量嘅咕哩。后推及至普罗大众，成为有名嘅穷人恩物，经济米饭。
到咗今时今日，碟头饭嘅食材肯定唔系冷饭菜汁，已经出咗好多新花样。
烧味饭
客人点单好，切烧味放喺白饭上，淋上相应酱汁或姜葱，简直系人间美味，每间茶餐厅，无论规模大细，都会有招牌烧味，就等你去发掘。
厨房饭
按客人落单开镬炒菜或预先煮好菜式，炒好后铺喺饭面，有时候不限于一种菜式，选择可以非常多样。
中式蒸饭
西式饭
当热辣辣嘅白饭，配上自己中意嘅烧味或菜肴，有肉有菜，加几蚊仲会有个例汤或者饮料，三十几蚊有饭有汤，有肉有菜，夫复何求！
而喺网络上，曾经两大爆红嘅碟头饭。
第一系《食神》入边嘅“黯然销魂饭”。
其实就系叉烧煎蛋饭，主角史蒂芬·周喺决赛时制作嘅最后一道菜肴，同时都系火鸡喺史蒂芬·周落魄时送畀佢嘅一碗饭。
“黯然销魂”一词出自于江淹《别赋》，《神雕侠侣》之中，杨过与小龙女分别十六年后，因思念妻子而自创“黯然销魂掌”，而史蒂芬·周于少林寺山脚痛失女主角火鸡，两情境有异曲同工之妙。
当时《食神》上映之后，“黯然销魂饭”大受吹捧，唔少茶餐厅同大排档乘机供应以“黯然销魂饭”命名的碟头饭，甚至有酒店举行制作“黯然销魂饭”嘅比赛。
不过直到今日，我见到叉烧煎蛋饭，第一反应都系叫佢做“黯然销魂饭”。
另一款爆红嘅碟头饭就系，男人嘅浪漫，豆腐火腩饭！
豆腐火腩饭嘅爆红，源于几年前一个网民喺香港高登发表一篇于豆腐火腩饭嘅食评，情调豪迈而苍凉，将麻甩味十足嘅豆腐火腩饭概叹为「男人嘅浪漫」。
呢篇文章抨击港女拜金媚外之余，讽刺部分女性一直压迫男性，要求男性过度为佢哋消费。
好快文章就成为网络潮文，被恶搞改编为好多个版本，之后TVB嘅剧集中多次出现过“豆腐火腩饭”嘅梗。
▲《情逆三世缘》
▲《巴不得妈妈…》
上边都系网友嘅玩笑，但不可否认嘅系，碟头饭包含咗上班族、工薪族一日三餐嘅回忆，所以大家先会对一碟普普通通嘅饭灌注别样嘅情感。
仲记得，有一次去香港旅行，喺一间不知名茶餐厅食过一碟窝蛋免治牛肉饭，当时就惊为天人，感觉系从未食过嘅美味。
但返到广州之后，再都冇办法食返当时嘅味道。
虽然碟头饭源自广州，但讲到碟头饭种类出品，广州餐厅并不如香港，依家喺广州，好食而实惠嘅碟头饭真系少之又少。
好多快餐店、连锁茶餐厅嘅碟头饭都系偷工减料，几十蚊一碟饭，白饭占大半，肉少又唔好食，试过一次就唔想再帮衬。
所谓碟头饭，食嘅就系一份朴实亲民嘅住家味道，唔系点称得上为平民嘅心头好。
各位自己友，
你挚爱嘅碟头饭又系边样？
为咗阿咩小沅子阿爆嘅午饭，
推荐下你认为碟头饭唔错嘅餐厅！
或者你可以私信话畀我听噶！
素材出自维基百科等
羊城网负责整理编辑
最新评论