菠萝鸡(Pineapple Chicken)

解释:专占人便宜无赖

出处:广州波罗庙卖「波罗纸鸡」,俾善信卖返屋企图个吉利。除竹枝同纸外,真鸡毛仲会黐鸡身,引申歇后语「一味靠黐」,讽刺人钟意占人便宜。

例子:佢次次食饭埋单都借尿遁,正一菠萝鸡。

混吉(Blend Tangerine)

解释:搞搞震无帮衬

出处:以前饭店,餐前会奉送一碗无汤料味精水,称「吉水」,好多无业游民斋饮吉水唔点菜,唔畀钱拍拍屁股走人。生意做唔成,店主指呢班人混吉。

例子:试十几件衫都唔买,混吉!

炒鱿鱼(Fried Squid)

解释:被解雇

出处:以前广东人打工,带埋被铺留宿,被炒卷被铺走人,形状有如落镬卷起嘅鱿鱼,故称炒鱿鱼。

例子:老板想炒我鱿鱼,等我递封辞职信先。

 

点解女人发姣放生电,要叫“抛生藕”?-羊城网——懂互联网,更懂广州!

捉黄脚鸡(Catch Yellow Feet Chicken)

解释:捉奸在床

出处:公鸡脚比母鸡脚深黄,醒目唔易捉,不过死穴系咸湿,当母鸡出现,公鸡会飞扑上前作势交配,呢个时候公鸡无防范,捉鸡脚手到擒来。

例子:够胆滚?捉佢黄脚鸡先!

砌生猪肉(Build Raw Pork)

解释:做假证据屈人

出处:「生猪」指Charge,解落案控告,粤音「差厨」,与「生猪」音近,称「生猪肉」都系贪顺口,更加生动。「砌生猪肉」全句就系有组织明屈,有制造不利证据意思。

例子:佢砌我生猪肉,我无做过,我系冤枉?法官大人。

炖冬菇(Stew Winter Mushroom)

解释:被降职

出处:早年警员军帽状如冬菇,称「冬菇帽」,便装警员犯错降职,做番军装就要戴番冬菇帽,俗称炖冬菇。点解「炖」?因为「炖」同「褪」读音近,有倒退之意。

例子:炖冬菇好过炒鱿鱼,起码保住饭碗。

发沤豆(Issue Soak Bean)

解释:眼光光,魂游太虚

出处:豆芽系「发」同「沤」出嚟嘅,广东人借用农业术语,暗喻难得正果,形容人得个谂字又乜都谂唔出。

例子:上堂唔留心听书,净系识得发沤豆。

抛生藕(Throw Raw Lotus Root)

解释:女人发姣放生电

出处:男食韭,女食藕,女人生完BB会食生藕片进补。

例子:你睇,个女人著到咁性感,成个深宫怨妇咁,见到男人就抛生藕。

大番薯(Big Foreign Potato)

解释:无脑迟钝点极唔明

出处:1933年孔仲南於《广东俗语考》有载铢刀(读音薯刀)一字,即唔锋利钝刀一把,寓意人脑筋唔灵活,人蠢称铢,铢薯同音,后来演变成「大番薯」呢个俗语。

例子:正一大番薯,同你讲都o徒气。

卖剩蔗(Sell Surplus Sugarcane)

解释:年过三十单身中女

出处:卖剩蔗也不一定是品质差,只是咁啱无人识货,拣唔中,所以形容女人卖剩蔗,未必全部系贬义。

例子:死啦,就嚟三十岁都仲未有拖拍,我唔想做卖剩蔗呀。

年晚煎堆(Year Late Pan-fried Pile)

解释:人有我有

出处:新年家家户户都会炸煎堆,寓意扫走一年霉气。劝人搵老婆唔好挑剔,会搞笑咁讲:「娶老婆,年晚煎堆!」但求人有我有。

例子:唔多钟意我女友,年晚煎堆嘅咋。

老油条(Old Oil Stick)

解释:软腍腍无火气

出处:油炸鬼放得耐会变湿变软,嘲笑人唔识反抗,寸佢唔嬲打佢唔避,令人无从对付吹佢唔胀。

例子:公司啲老油条,做又三十六,唔做又三十六嘎啦。

蛋散(Egg Loose)

解释:不中用ge废柴

出处:蛋散炸到脆卜卜,入口香喷喷,但一咬即碎,碎完仲会散开三两件,毫不硬净,以此揶揄无鬼用ge废柴。

例子:你件蛋散食嘢唔做嘢,做嘢打烂嘢。

女人汤圆(Woman Soup Ball)

解释:特别讨女人欢心ge男人

出处:汤圆搓得圆禁得扁,比喻男人对女人百般迁就,形容男人异性缘好。

例子:条仔扮晒斯文,正一女人汤圆。

豆泥(Bean Mud)

解释:情况堪虞

出处:豆与泥同样微小,平凡到无人会注意,两字并用,更强调糟糕不堪。

例子:大学毕业又搵唔到工