如果要用一张图嚟形容广州人嘅母子关系,一定系以下呢张图↓↓↓

 

阿妈真系觉得生旧叉烧好过生我?
图片来源广东道

 

冇错,生旧叉烧好过生你,呢句话算系我哋童年阴影之一,因为我哋会不禁进入一种自我怀疑嘅状态:“唔通生旧叉烧真系好过生我?”

 

广州阿妈同仔女嘅关系,我惗通过以下阿妈金句以及仔女嘅内心OS,就可以明晰!

 

出面冻啊!着多件衫出去啊!

阿妈总系会觉得你冻,无论外面系40度高温,定系酷热警告,佢都系会叫你着多件衫。

阿妈真系觉得生旧叉烧好过生我?

今晚想食咩餸啊!

只要你讲过一次你钟意食番茄炒蛋,无论系你个饭盒,亦话系你返屋企食饭,个“番茄炒蛋”总系会出现系你面前。

阿妈真系觉得生旧叉烧好过生我?

早啲返屋企啊!

每个阿妈总有一个固定嘅时间打电话来催你返屋企,因为你唔返佢根本训唔着!

阿妈真系觉得生旧叉烧好过生我?

唔好咁夜训啊!

阿妈总系唔明白你嘅生物钟,早啲训落床,等佢唔好担心啦!

阿妈真系觉得生旧叉烧好过生我?

唔好饮咁多汽水啊!

可乐系年轻人嘅最爱,不过对身体冇益,次次畀阿妈见到我饮可乐,佢都会叫我唔好饮咁多!

阿妈真系觉得生旧叉烧好过生我?

系时候交家用啦!

只要你发现今晚餐饭冇肉,你就应该醒水交家用啦!

阿妈真系觉得生旧叉烧好过生我?

出去记得唔好惹事啊!

点为止惹事阿妈咪,唔通我无端端搵人打交咩,我生性嘅啦!

阿妈真系觉得生旧叉烧好过生我?

成日咁夜返,群埋晒啲咩人啊!

我班Friend中意夜生活咋妈咪,要维持啲朋友关系,系要多啲聚会嘅啦,我唔会学坏噶,放心啦!

阿妈真系觉得生旧叉烧好过生我?

生性啦仔,正正经经搵份工!

搵工唔难啊,但搵到份自己中意嘅就好难,男怕入错行啊!

阿妈真系觉得生旧叉烧好过生我?

你睇下隔离屋阿黄个仔几叻!好心你学下人哋啦!

永远冇法超越嘅人——隔离屋个仔同亲戚个仔!

阿妈真系觉得生旧叉烧好过生我?

由朝到晚都打机,睇下书啦!

喺屋企,唔打机我都唔知做咩好,你知你个仔唔系啲会睇书嘅人啦。

阿妈真系觉得生旧叉烧好过生我?

今晚返嚟记得饮汤啊!饮多碗汤啦!

阿妈靓汤,每次都记得自动自觉乘以二,唔系都对唔住阿妈煲得咁辛苦。

阿妈真系觉得生旧叉烧好过生我?

 

次次都剩少少,食埋佢啦,唔好嘥

同阿妈食饭,记得做光盘侠,唔食晒唔好放低对筷子。

阿妈真系觉得生旧叉烧好过生我?

食多条菜啦,一日唔食水果!

明知你个仔系食肉兽啦,菜依啲嘢,少少几条够嘅啦。

阿妈真系觉得生旧叉烧好过生我?

几时去冲凉啊!

无论系啱啱返到屋企,定系喺屋企啱啱食完饭,只要晚黑喺屋企畀阿妈见到你,你就要准备冲凉了。

阿妈真系觉得生旧叉烧好过生我?

做嗮啲功课未啊,执下间房啦!

无论你系大学生,定系放紧假嘅学生哥,阿妈总系会担心你做嗮功课未。我间房乱,但系唔邋遢就得啦!

阿妈真系觉得生旧叉烧好过生我?

倾咁耐电话,倾完未啊!

同条女(仔)煲电话粥,阿妈都会吃醋。鬼叫你平时唔多啲陪阿妈倾计咩!

阿妈真系觉得生旧叉烧好过生我?

你舍得起身未啊!

阿妈叫起床嘅功力,系一百万个闹钟都比唔上噶。不过今日放假啊,妈咪。

阿妈真系觉得生旧叉烧好过生我?

第二样嘢唔见你咁叻,驳嘴就最犀利!

妈咪,其实我好多嘢都好犀利噶,得闲你要了解下我喇。

阿妈真系觉得生旧叉烧好过生我?

睇电视唔好哄咁埋啊!

等我赚到钱,买部大啲嘅电视,就唔会哄咁埋噶啦,宜家部咁细,我连C朗同巴尔都分唔清啊。

阿妈真系觉得生旧叉烧好过生我?

几时带女朋友返屋企食饭啊!

你个仔连女朋友都未有啊,点带啊,妈咪。

阿妈真系觉得生旧叉烧好过生我?

你成日唔讲我点知呢?

sorry啊妈咪,我知我成日都唔喺屋企,以后我会抽多啲时间陪你噶啦。

阿妈真系觉得生旧叉烧好过生我?

 

依啲都冇中枪?仲有!

 

“几时结婚呀。”(结婚,结婚,结完就分,有乜好结喔)阿妈真系觉得生旧叉烧好过生我?

 

我:“今晚又我洗碗啊?”

妈:“你个衰仔好意思讲得出嘅?我辛辛苦苦煮餐饭畀你哋食,食完中想唔做嘢!我煮个阵又唔见你出嚟帮下手,一日净系识得对住部电脑。冇益噶!鬼咁多辐射,夜晚又夜训,挨埋啲夜你估好得戚咩!仲有吖…...(以下省略1000字)”(我估计我洗完碗返出嚟佢都未讲完)阿妈真系觉得生旧叉烧好过生我?

 

妈:“去佐边到啊?”

我:“出街咯。”

妈:“边度街啊?”

我:“同朋友去饮嘢。”

妈:“边个朋友啊?”

我:“讲你都唔知。”

妈:“你成日唔讲,梗系唔知拉!”

我:“xxx。”

妈:“边个嚟噶,边度识架?”…..

(永远都系无限延长……所以……我应该一开始就唔答佢!!)阿妈真系觉得生旧叉烧好过生我?

 

“早d翻啊,依家社会复杂,今日报纸先讲有个后生仔比人桶死咗。” (………..)

 

“有人跌咗落河,千奇五好跳落去救人啊,一阵你都瓜埋啊!”

 

冇男朋友或者女朋友嗰阵:“求其稳住个先啦,唔好嫌三嫌四啦!”;有男朋友或者女朋友嗰阵:“睇多几个先啦,使唔使咁急啊?”(咁你究竟想我点啫?)阿妈真系觉得生旧叉烧好过生我?