广州人口中最万能嘅一个口头禅,你每日都会讲,而且系下意识咁讲!

 

食饭嗰阵你会讲:唔该摞个餐牌啊”
有人挡住条路嗰阵你会讲:“唔该借借” 
要人帮你传话嗰阵:“唔该你话佢知啦”
 当你要问路嗰阵:“唔该,地铁站响边啊?”
 人哋帮咗你嘅阵:“唔该你!”
有时要求过分咗你就会话:“一句唔该使死人咩”
 但系我哋回映得最多嘅都系:“唔使唔该”

 

冇错,呢个词就系“唔该”,喺各种社会活动中我哋都可以经常听到广州人嘅“唔该”之声,“唔该”体现出广州人嘅文化素质同埋对他人嘅礼敬,从一个侧面亦都体现出一个城市嘅文明程度。

 

 

咁究竟你有几了解“唔该”呢个词?

1、表示请求时,“唔该”相当于“请、劳驾、麻烦”等等。

例如:
“唔该摞个餐牌啊。”(请给我拿个菜单)
“唔该你话佢知啦”(麻烦您告诉他吧)
“唔该借借”(麻烦让一下)

 

2、表示请求的“唔该”如果是放在请求意思的前面,就兼有打招呼的作用。

例如:

“唔该,车站响边个方向啊?”(您好,请问车站是在哪个方向?)

 

3、表示感谢时,“唔该”相当于感谢,谢谢的意思。程度加深的时候可以表达为“唔该晒”。

例如:

“唔该你!”(谢谢你!)

“今次全靠你帮我,真系唔该晒你啊!”(这次全靠你帮忙,真是非常感谢你!)

 

4、表示感谢的“唔该”一般用在别人为自己提供帮助,方便,服务之后时说的。如果是接受了他人赠送的礼物时应该说“多谢”。

 

5、当别人对自己说“唔该”,一般响应“唔使唔该”(不用谢,不用客气,别客气的意思),也可以省略为“唔使”。

 

6、“一句唔该使死人咩”:意思是用一句客套的话作为请求就让人东奔西跑累得要死。这是对过分的要求表示不耐烦的话。

今日你讲咗“唔该”未啊?

来源:全球说粤语(ID:cantonese-200h)