对很多广州人而言,广府童谣意味住欢乐同怀旧。但时至今日,细路仔仍朗朗上口嘅广府童谣可能只有《月光光》、《落雨大》、《鸡公仔》几首...最经典、最鬼马、最好玩、最家常嘅童谣你仲唱得出几多?今日,阿咩就带你重回顽童时代!

 

【月光光照地堂】

月光光,照地堂,

年卅晚,摘槟榔,

槟榔香,摘子姜,

子姜辣,买菩达,

菩达苦,买猪肚,

猪肚肥,买牛皮,

牛皮薄,买菱角,

菱角尖,买马鞭,

马鞭长,起屋梁,

屋梁高,买张刀,

刀切菜,买箩盖,

箩盖圆,买只船,

船浸底,

浸亲两个番鬼仔!

一个浮头(一个摸慈姑),

一个沉底(一个摸马蹄)。

广府童谣+粤味插画,广州人成个童年返晒嚟!-羊城网——懂互联网,更懂广州!

【月光光照地堂】

月光光,照地堂,

虾仔你乖乖瞓落床,

听朝阿妈要赶插秧咯,

阿爷睇牛佢上山冈。

虾仔你快高长大,

帮手阿爷去睇牛羊。

月光光,照地堂,

虾仔你乖乖瞓落床,

听朝阿爸要捕鱼虾!

阿嫲织网要织到天光。

虾仔你快高长大,

划艇撒网就更在行。

月光光,照地堂,

年卅晚,摘槟榔,

五谷丰登堆满仓,

老老嫩嫩喜洋洋啊,

虾仔你快啲眯埋眼,

一觉瞓到大天光啊。

广府童谣+粤味插画,广州人成个童年返晒嚟!-羊城网——懂互联网,更懂广州!

【落雨大,水浸街】

落雨大,水浸街,

阿哥担柴上街卖,

阿嫂出街着花鞋。

花鞋花袜花腰带,

珍珠蝴蝶两边排。

排排都有十二粒,

粒粒圆亮冇疵瑕。

广府童谣+粤味插画,广州人成个童年返晒嚟!-羊城网——懂互联网,更懂广州!

【氹氹转,菊花园】

氹氹转,菊花园,

炒米饼,糯米圆。

阿妈带我睇龙船。

我唔睇,睇鸡仔。

鸡仔大,捉去卖。

卖得几多钱?

卖得三百六十五个仙。

广府童谣+粤味插画,广州人成个童年返晒嚟!-羊城网——懂互联网,更懂广州!

【排排坐,食粉果】

排排坐,食粉果,

猪拉柴,狗烧火,

猫儿担凳姑婆坐,

坐烂个屎窟唔好赖我,

赖翻隔篱个二叔婆。

广府童谣+粤味插画,广州人成个童年返晒嚟!-羊城网——懂互联网,更懂广州!

【大笨象,揸支枪】

大笨象,

揸支枪(臭松香),

去打仗(揸支竹仔去打仗)。

打完仗,

返嚟食碗辣椒酱,

隔篱屋企烧炮仗,

问你响唔响,

唔响升你两巴掌。

广府童谣+粤味插画,广州人成个童年返晒嚟!-羊城网——懂互联网,更懂广州!

【又喊又笑】

又喊又笑,

乌蝇打醮,

蠄蟧濑尿,

老鼠行桥,

行到西门口,

畀人打啰柚。

广府童谣+粤味插画,广州人成个童年返晒嚟!-羊城网——懂互联网,更懂广州!

 

【落雨溦溦】

落雨溦溦,

水浸田基。

田基有条蛇,

吓亲大老爷。

大老爷揸支枪,

吓亲个缠脚娘。

广府童谣+粤味插画,广州人成个童年返晒嚟!-羊城网——懂互联网,更懂广州!

【卖羊卖咩】

卖羊卖咩,

卖到老鼠担遮。

狗仔忙住去拉蛇,

蛇摆尾,似风车,

风车氹氹转,

番鬼扒龙船。

扒得快,好世界,

扒得摩,无鼻哥。

广府童谣+粤味插画,广州人成个童年返晒嚟!-羊城网——懂互联网,更懂广州!

【肥佬肥揗揗】

肥佬肥揗揗,

买舊猪肉去拜神,

行到半路屎窟痕,

返到屋企瓜老衬。

广府童谣+粤味插画,广州人成个童年返晒嚟!-羊城网——懂互联网,更懂广州!

【萝卜头】

萝卜头,点豉油,

点得多,咸过头,

点得少,淡茂茂。

广府童谣+粤味插画,广州人成个童年返晒嚟!-羊城网——懂互联网,更懂广州!

【河边有只羊】

河边有只羊,

羊边有只象,

象边有只马骝仔,

好似你咁样。

广府童谣+粤味插画,广州人成个童年返晒嚟!-羊城网——懂互联网,更懂广州!

【猪婆婆】

猪婆婆,

卖菠萝,

卖畀地主做老婆。

地主唔要佢,

一脚将佢踢落河。

执翻上嚟晕酡酡。

广府童谣+粤味插画,广州人成个童年返晒嚟!-羊城网——懂互联网,更懂广州!

【点虫虫】

点虫虫,

虫虫飞。

飞到荔枝基。

荔枝熟,

摘满屋,

屋满红,

伴住个细蚊公。

广府童谣+粤味插画,广州人成个童年返晒嚟!-羊城网——懂互联网,更懂广州!

【猜呈寻】

呈寻剪,呈寻包,

呈寻糯米叉烧包。

老鼠唔食炸药包,

执到粮票买面包。

广府童谣+粤味插画,广州人成个童年返晒嚟!-羊城网——懂互联网,更懂广州!

【伏匿匿】

一就预备,

二就匿埋,

三就开盘,

四就嚟到,

砰到算数。

【点指兵兵】

点指兵兵,

点着谁人做大兵,

点指贼贼,

点着谁人做大贼。

广府童谣+粤味插画,广州人成个童年返晒嚟!-羊城网——懂互联网,更懂广州!

【麻鹰飞】

折纸机,

麻鹰飞,

飘嚟飘去唔落地,

麻鹰有条尾。

广府童谣+粤味插画,广州人成个童年返晒嚟!-羊城网——懂互联网,更懂广州!

【煮饭仔仔】

煮饭仔仔先落米,

风炉透火柴对齐,

千祈唔好咁拿西,

我哋唔系细蚊仔。

广府童谣+粤味插画,广州人成个童年返晒嚟!-羊城网——懂互联网,更懂广州!

【嗳姑乖,嗳姑大】

嗳姑乖,嗳姑大,

嗳大个姑仔嫁后街。

后街有鲜鱼鲜肉卖,

又有红皮屐仔绣花鞋。

又有鲜花戴,

戴又戴唔晒,

丢落床头畀老鼠拉。

一拉拉到大新街。

大人执到笑眯眯,

细路执到当银牌。

 

【鞥咕咕,淋慈姑】

鞥咕咕,

担水淋慈姑,

淋得慈姑瓜咁大,

人人都话阿姑乖。

广府童谣+粤味插画,广州人成个童年返晒嚟!-羊城网——懂互联网,更懂广州!

【五更鼓】

初更鼓,响叮当,

叮叮叮咚叮叮当。

入绣房。

绣房有只乜嘢叫?

有只蚊公叫。

蚊公点样叫?

嗡嗡嗡嗡嗡嗡叫。

二更鼓,响叮当,

叮叮叮咚叮叮当。

入绣房。

绣房有只乜嘢叫?

有只老鼠叫。

老鼠点样叫?

吱吱吱吱吱吱叫。

三更鼓,响叮当,

叮叮叮咚叮叮当。

入绣房。

绣房有只乜嘢叫?

有只猫仔叫。

猫仔点样叫?

喵喵喵喵喵喵叫。

四更鼓,响叮当,

叮叮叮咚叮叮当。

入绣房。

绣房有只乜嘢叫?

有只狗仔叫。

狗仔点样叫?

汪汪汪汪汪汪叫。

五更鼓,响叮当,

叮叮叮咚叮叮当。

入绣房。

绣房有只乜嘢叫?

有只鸡公叫。

鸡公点样叫?

喔喔喔喔喔喔叫。

广府童谣+粤味插画,广州人成个童年返晒嚟!-羊城网——懂互联网,更懂广州!

【三更灯火五更鸡】

三更灯火五更鸡,

正是男儿用功时。

少年不知勤学早,

老来方恨读书迟。

广府童谣+粤味插画,广州人成个童年返晒嚟!-羊城网——懂互联网,更懂广州!

【姑丈担凳】

姑丈担凳孩儿坐,

孩儿坐落就劏鸡。

鸡会劏门前喔喔啼,

不如劏只鸭;

鸭又嫌鸭毛多,

不如劏只鹅;

鹅又嫌鹅颈长,

不如劏只羊;

羊又嫌羊脚叉,

不如劏只马;

马会送君出埗头,

不如劏只牛;

牛会耕田养人口,

不如劏只狗;

狗会东西方有人嚟都知,

不如劏只大猫儿;

猫儿又会捉老鼠,

不如劏只大肥猪;

肥猪会食主人三斗禄,

主人食佢三舊肥猪肉。

广府童谣+粤味插画,广州人成个童年返晒嚟!-羊城网——懂互联网,更懂广州!

【打开蚊帐】

打开蚊帐,

打开蚊帐,

有只蚊,

有只蚊,

快啲攞把扇嚟,

快啲攞把扇嚟,

泼走佢,

泼走佢。

打开蚊帐,

打开蚊帐,

有只猫,

有只猫,

快啲攞支竹嚟,

快啲攞支竹嚟,

吓走佢,

吓走佢。

广府童谣+粤味插画,广州人成个童年返晒嚟!-羊城网——懂互联网,更懂广州!

【初一人拜神】

初一人拜神,

初二人拜人,

初三是赤口,

初四人乞米,

初五初六正是年,

初七游花地,

初八八不归,

初九九头空,

初十打春去。

十一打仔回,

十二搭灯棚,

十三人开灯,

十四灯火明,

十五祈完灯,

采青走百病。

广府童谣+粤味插画,广州人成个童年返晒嚟!-羊城网——懂互联网,更懂广州!

【卖懒】

(一)

卖懒,卖懒,

卖到年卅晚,

人懒我唔懒。

(二)

卖懒,卖懒,卖到年卅晚;

卖穷,卖穷,卖畀猪婆龙;

卖衰,卖衰,卖畀大头龟。

广府童谣+粤味插画,广州人成个童年返晒嚟!-羊城网——懂互联网,更懂广州!

【我有几文鸡】

我有几文鸡,

过年买只鸡。

只鸡好好食,

夹畀阿妈食。

阿妈话我乖,

带我行花街。

【食嘢唔做嘢】

食嘢唔做嘢,

做嘢打烂嘢。

广府童谣+粤味插画,广州人成个童年返晒嚟!-羊城网——懂互联网,更懂广州!

【丑丑丑】

丑丑丑,丑丑丑,

丑甩耳仔餸烧酒。

【肥婆跳舞顶第一】

一二三,三二一,

肥婆跳舞顶第一。

广府童谣+粤味插画,广州人成个童年返晒嚟!-羊城网——懂互联网,更懂广州!

来源:广州日报


童说岭南系列丛书

 

《街巷探秘》、《广饮广食》、《小脚走古迹》

同小朋友一齐分享好多广州人都唔知嘅古仔!

广府童谣+粤味插画,广州人成个童年返晒嚟!-羊城网——懂互联网,更懂广州!

微信扫描二维码,随时召唤彭嘉志讲古

羊记杂货铺老友价:¥80

购买方式

 

淘宝购买:长按网址“http://t.cn/R4aXtHe复制至浏览器打开

微信购买:请点击左下角【阅读原文】或长按以下图片识别二维码进入微店。

自提购买:广州越秀区建设六马路29号荣建大厦17G,请提前一天电话预约。

联系电话:020-83195715-805,团体一次性采购20本以上或批量定制享受更多优惠,欢迎来电咨询。