「伯母」与「百冇」谐音，咩都冇实在唔好意头，就讲反话，变成「伯友」（与“百有”谐音）。

中国人好避忌“死”字，形容死亡有好多种讲法，而「香咗」就系粤语嘅讲法。

人死咗尸体会发臭，直接讲一个人“臭咗”，点都唔系几好，所以就变成「香咗」。

「润」字本身系不干枯，湿燥适中嘅意思，不过粤语中话「润」一个人，就唔系令佢舒服得意，反而系讲啲唔好听嘅说话挖苦佢。

「大大话话」同「大话」系唔同，佢嘅意思反而系“毫不夸张地说”，讲出嘅说话通常与现实情况差唔多。

“攞景”系指有意做show，“赠庆”系凑热闹嘅意思，呢两种行为有时候都会引起他人内心不快，呢个词指喺某些场合有意做出不适当嘅事使人难堪。

「冚家富贵」系粤语中好恶毒嘅粗口，咒人全家灭绝，断子绝孙，“富贵”系指死后收到冥币。

全句为「好行夹唔送」，表示叫你要走快啲走，唔想继续见到你。

表面上多谢某个人，一般带有讽刺，表示如果唔系因为佢，件事点会变成咁坏，意思即系你为他人制作咗麻烦。