80后细细个果阵，广州系可以睇到星星嘅，晴空万里并唔系奢侈嘅幻想。但系，睇睇依家嘅广州，80%嘅日子都系灰霾，天空永远都系望不穿嘅。
翻开以前嘅旧相簿，行人无一例外都係以白色衫为主，衣着朴素，简单清凉，无需进行过多攀比，但係都有一种纯净嘅美。
以前交通冇依家咁发达，出门大多靠步行、单车或者坐船。边会好似依家咁去到边都要塞车，开咗10分钟车仲系同一条路，去边都要排队上车。
以前嘅人，冇文化就要做体力劳动，工作唔轻松，成日担担抬抬。
单车同三轮车就成为佢哋双手双脚以外重要嘅搵食工具。
单车多咗，修车档就成为咗市民日益需求嘅消费场所。随处可见嘅单车修理店，踩单车嘅人每时每刻都可以搵到地方整佢哋嘅单车。
以前嘅生活好简单，出街就系一碗面，一碗白粥，再奢侈啲都系加多一份炒螺。
出街买雪条，种类唔多，但系每一份都充满人情味。
当时物价好平，一斤烧猪先七个半，一只鸡三蚊，一份有肉嘅快餐先两蚊……
依家吃饭餐餐20文起跳嘅00后，可能无法想象。
以前嘅娱乐唔算好丰富，得闲约几个老友打下麻雀，或者撚下雀，再唔系仲可以自己搭台打乒乓波……
买份报纸，坐喺街边嘅长凳度，同老友讲下今日有乜趣事，讨论下探讨下，似乎就成为咗一样消遣活动。
再后嚟，随著城市慢慢发展，开始出现公交车、的士、摩托车、火车……广州街道上逐渐热闹起身。
呢个属于70后80后嘅广州童年记忆，你哋中唔中意？
图片来源羊城攻略（ID：BirdGuys）
喜欢
(0)
最新评论