最近，公司嘅同事都一齐重温紧《家好月圆》（你知喇，最近TVB冇咩好嘢睇）。唔知大家有冇发现，入面嘅一句经典台词：阿婆走得快，一定有古怪。但相应字幕显示嘅居然系：阿婆跑得快，一定有古怪。
明明系“走”，点解字幕会出现“跑”呢？
原来喺粤语之中，“走”系“跑”嘅意思，我哋平时成日讲嘅“走佬”、“走难”就有逃难、逃跑呢一层意思，而“行”，则系步行嘅意思。
而且，喺粤语之中，形容肢体动作嘅字，梗系唔止“行”同“走”咁简单！
如果你也曾被字幕误导过，不如一齐嚟睇下，我哋成日讲嘅腿部动作，你哋有冇讲啱写啱喇！
解释①：爬行
【例句】你睇个细路，喺地下躝嚟躝去。
解释②：带有贬义，走
【例句】未够钟就躝咗喇？
解释③：骂人的意思
【例句】你同我躝。
02
解释①：跛
【例句】佢整亲只脚，所以依家行路都趷下趷下。
解释②：翘起
【例句】趷高脚先睇到个舞台。
▲当年《春娇救志明》嘅“趷趷刚”曾经吓亲唔少人
呢两个字，仲可以组合埋一齐：
03
解释：提起脚后跟，用脚尖着地
【例句】新年花街超级多人，踮起脚都睇唔到啲铺头。
04
解释①：蹿，迅疾奔跑
【例句】成支箭咁飇出去。
解释②：迅速往上长，长高
【例句】佢读高中嗰阵飇得好快
解释③：喷射
【例句】爆水管啊，啲水系咁飇出嚟
不过，其实呢个字可以写成：
“标”、“飇”、“飙”，因为“飇”系“飙”嘅其中一个写法，而“标”喺日常书写较广泛。
05
解释①：弹跳，利用弹力向高处跳
【例句】张弹床可以䟴到好高。
解释②：上下抖动
【例句】啲竹升面就靠支竹仔䟴下䟴下。
解释③：抖（腿）
【例句】医生啊，我小朋友䟴脚啊。
06
解释①：跑
【例句】你份工咁辛苦，成日要趯嚟趯去。
解释②：驱赶、驱逐
【例句】趯佢走！
07
解释：跨
【例句】一脚?过去就系喇！
08
解释：蹲
【例句】你真系兜踎啊。
09
正确用字：
10
解释：涉水
【例句】琴日落雨周围都系水，唯有浭水行喇。
▲错误示范
11
解释：误踏，乱踩
【例句】小心啲，唔好蹅错脚。
12
解释：跺
【例句】你?下只脚啲泥喇。
13
解释①：蹬
【例句】一脚?开度门。
解释②：俗语，走
【例句】田鸡过河——各有各?。
14
解释：绊倒
【例句】行路唔睇路，卒之都畀嚿石头?亲。
15
解释：忙碌奔波
【例句】佢住嗰度冇电梯，日日揗上揗落好鬼麻烦。
16
解释：摔跤
【例句】呢条路冇街灯，夜晚行小心唔好躀亲。
17
解释：滑到
【例句】唔小心踩中蕉皮，?咗一嚄。
18
系啊，冇错啊！
呢个字就系用“伸”！
解释：蹬
【例句】真系想一脚伸落去！
粤语剧集有好多种，不过唔系部部剧集嘅字幕都系粤语出品。
一个简单嘅字词，都可以玩出好多种花臣，可以系动词，可以系形容词，又可以系一个情绪嘅表达，冇接触过粤语嘅人唔会明白其中嘅乐趣，所以，好值得我哋自豪同发扬光大。
当然，我哋整理呢啲正音正字，都系为咗令更多人了解粤语独特嘅魅力，绝对唔系要求每一个人都要写啱，只系想每一个对粤语有兴趣，想要学习粤语，热爱粤语嘅人，都可以知道正确嘅读音同书写，明白粤语嘅无可替代。
各位自己友
你哋平时睇剧集嘅时候
会遇到边啲唔识写嘅粤语字词？
欢迎留言话畀我哋知！
本篇文章内容相关资料来源：
《广州话正音字典》、《广州话方言词典》、
《实用广州话分类词典》等。
最新评论