“食在广州”哩句话全中国都知，广州人唔止识食，仲好敢食，无论飞天走地游水嘅，只要摆得落口，广州人都唔会放过。今日阿咩就带大家开开眼界，介绍一啲“食过嘅人拍烂手，未食过嘅走夹唔唞”嘅广州美食。（PS：口味由轻到重，步步深入，逐渐高能。

鸡屎藤饼里面并冇鸡屎。其实鸡屎藤，又叫乌芹藤，南方乡间一种常见植物。《纲目拾遗》云：“搓其叶嗅之，有臭气，未知其正名何物，人因其臭，故名臭藤。”后来人们觉得臭藤很不雅，所以改了个很空灵的名字——鸡矢藤。后来叫叫下就变咗鸡屎藤。

牛三星同三星手机一啲关系都冇，亦都唔係边位姓牛嘅高人叫三星，一句到尾，我都唔知点解叫牛三星。牛三星汤里面三星係指牛心、牛肝、牛腰，可能仲会有牛百叶。用羊杂煮汤底，食嘅时候加小小酸萝卜，十分开胃！

鸡仔饼係广州地区传统中式饼食，里面并冇鸡仔，都冇鸡肉。原名“小凤饼”，清代咸丰年间广州西关一个姓伍嘅富贵人家请咗个叫小凤嘅女工所创。鸡仔饼係广东四大名饼之一。配料有肥肉粒、芝麻、瓜子仁、麦芽糖、南乳、枧水、盐、五香粉，口味层次丰富，十分抵饿！

糖不甩係粤菜里面传统嘅甜点，“不甩”嘅意思就係糖粉、汤丸唔会分离。糖不甩比较甜，而且糯米好顶肚！

脷嘅意思就係舌头。 牛脷酥係用面粉及砂糖混合后油炸而成，牛脷酥係中国广东油器嘅一种，甜味，广州人通常用嚟伴粥吃，缓解油腻。

鼻屎糖有好多种口味，陈皮、无花果、话梅等。旧时广州凉茶铺卖凉茶会怕小朋友觉得太苦，就会送一粒鼻屎糖，饮完凉茶即刻含入口，苦味就会变甘。因为鼻屎汤又黑又长，真係好似粒鼻屎咁，加上老广州中意吹水吓小朋友，所以就叫佢鼻屎糖。

牛骨髓係黄牛或水牛嘅骨髓，成条又白又滑，完全睇唔出係动物骨髓。牛髓可以加工成壮骨粉、补钙产品等保健品食用，但老广中意将牛骨髓做成美食直接吃，因为牛骨髓营养高、味道好。

鱼欢笑係鱼嘅腹鳍　一条鱼得两块腹鳍，嫩滑嘅鱼肉，唔洗咬，摆入嘴就会自动滑落喉咙。清鲜嘅鱼油，配上冲菜，做到口感上嘅互补，而且鱼欢笑嘅鲜美更为突出。

沙虫虽然核突，但係好有营养、味道及医药与食疗价值一啲都唔会输畀名贵海产珍品，所以沙虫有“海滩香肠”嘅美誉。沙虫富含蛋白质、脂肪和钙、磷、铁等多种营养成分，特别係味道，分分钟好食过海参、鱼翅。

即係蠄蚷嘅胃。好多人都会将蠄蚷嘅内脏抌坐，但对于识食嘅广州人嚟讲，爽脆嘅蠄蚷扣先係蠄蚷最好食嘅部位，啫啫、捞起、生炒、打锅，点食都得。不过要食到蠄蚷扣，恐怕要去专门吃蠄蚷嘅店先食得到，想自己亲自落厨，难度有啲大。

睇落同牛筋查唔多，又白又滑，远睇似牛骨髓，又似猪肠粉，有啲人仲觉得似加长版嘅沙虫添。其实，猪X根係猪嘅神经线。

PS：哩一PART嘅内容係最重口味最高能嘅，可能会导致部分老友记嘅不安、作呕同退出文章。未满18岁嘅青少年需要家长陪同下先可以阅读。

又叫龙虱，外表同甴曱极其相似，真系睇到都觉得核突！一啲怕食水甴曱嘅人，都系用椒盐水甴曱嚟令自己接受哩种古怪得近乎恐怖嘅食物，因为椒盐嘅香味，可以令让人暂时忘记佢嘅核突！

金黄带红杂绿，虫身丰腴，含浆饱满，行动缓慢，非常核突。虽然核突，但係一种味道鲜美嘅食材。煎炸，焦香可口；蒸炖，清甜香滑。禾虫焗蛋係比较常见嘅吃法，食落去，虫身弹牙，冇“爆浆”嘅口感，但係有“爆鲜”嘅滋味。

“牛欢喜”其实係牛外阴嘅俗称 ! 即係母牛嘅生殖器，就即係牛閪。牛欢喜本身係无味嘅，但係十分爽口，爽口程度比猪生肠仲要强。配合重口味嘅咸酸菜爆炒之后十分惹味！

臭屁醋係一个汤，哩个汤因为摆嘅时间长咗就会有一股屁嘅臭味，离远就会闻到一阵酸馊嘅怪味，所以就叫臭屁醋。酸咸香辣嘅味道喺味蕾中回转，真係一种独特嘅味道！

广州钟村食老鼠食道出晒名，有时路过都可以见到路边有人晒紧鼠干。钟村食嘅老鼠唔係家鼠，而係湛江蔗地里面嘅田鼠，味道更清甜。钟三村树头嘅排挡仲有全鼠宴，包括吊烧、焖焗、手撕、煲汤、火锅等吃法，或者好似乳猪咁做成“乳鼠”上台的，十分过瘾。

顾名思义，这道菜就係店家喺顾客面前用毒蛇咬死老母鸡，然后做成特别鲜味嘅鸡汤蛇煲。原理係蛇毒喺高温底下会分解成无毒嘅蛋白质，而蛋白质正正係鲜味嘅来源。一般毒蛇咬死一只鸡之后至少要休息3-5日之后先可以再开口咬鸡。

后记：小编团队今日落班之后想去试下“牛欢喜”，去到店里面伙计话只牛今日嚟姨妈，冇“牛欢喜”。阿咩：咁佢几时嚟完啊？ 阿水：冇牛閪咁你地仲有乜閪啊？阿边个：猪閪我食过，麻麻地…….

童说岭南系列丛书

《街巷探秘》、《广饮广食》、《小脚走古迹》

同小朋友一齐分享好多广州人都唔知嘅古仔！

微信扫描二维码，随时召唤彭嘉志讲古

羊记杂货铺老友价：￥80

购买方式

淘宝购买：长按网址“http://t.cn/R4aXtHe”复制至浏览器打开

微信购买：长按以下图片识别二维码进入微店。

自提购买：广州越秀区建设六马路29号荣建大厦17G，请提前一天电话预约。

联系电话：020-83195715-805，团体一次性采购20本以上或批量定制享受更多优惠，欢迎来电咨询。