之前教各位自己友“讲嘢嘅艺术”，
唔知大家有冇反复练习呢？
新嘅一课开始之前，大家温习下先啦！
1、有时，讲嘢只系需要少少包装
温习完之后，就开始今日嘅课程。
上个星期，收到网友自挂东南枝（化名）嘅求救：
确实，一日到黑会见到唔少
卖楼、健身、英语、餐饮……
一个二个好似排住队咁同你 sell 嘢！
今日就教大家，点样一句话串爆佢哋！
串爆健身佬
健身佬：先生，有冇兴趣健身啊？练好嘅身体，操fit啲身材，女朋友都开心啊！
我：请问你有冇女朋友呢？
情况a
健身佬：我冇女朋友…
我：超，练到你咁大只都冇女朋友，收档啦！
情况b
健身佬：我有女朋友…
我：我都有女朋友，不过你练过先有，我唔练都有，你唔觉得自己好失败咩！
串爆查身份证阿sir
阿sir：先生，攞个身份证出嚟睇下。
我：阿sir，你又畀个警察证我睇下！
阿sir：你合唔合作啊，玩嘢啊嘛！
我：我唔系玩嘢，我虽然读得书少，但我都知我有权睇你个警察证嘅！嗱，你唔好靠大声又郁手郁脚啊！我嗌嘎！
串爆野鸡司机
野鸡司机：靓仔，去边啊？
我：我去山东！50蚊去唔去？
野鸡司机：……（开车走）
我：喂！咪走住吖，55咯！
串爆海味铺老世
我：老世，啲四头鲍同血燕点卖啊？
老世：xxx（价钱）
我：哦，咁平啊，好！畀斤花菇我！
串爆学习机构派单佬
XX街英语：先生，请问有冇需要学英语呢？
我：你哋有冇索马里话学啊？我要去做海贼王……嘅男人！
串爆保险佬
保险佬：喂你好，我系xx保险嘎，请问……
我：得了，唔好讲咁多废话，我啱啱check到艾滋病阳性，有咩保险可以买？
串爆金融贷款
贷款佬：先生，请问需唔需要贷款呢？
我：贷款？你当我咩人啊？我似系有得还嗰种人咩！
串爆尖队师奶
地铁，排队等上车，突然有个师奶尖队…
我：师奶，赶住去捉你老公奸啊？让你先咯，祝你年年有今日啊！
串爆维修师傅
（手机爆屏，攞去整）
维修师傅：哗，小姐，你个屏爆得几‘体无完肤’喔…我推荐你用呢款最新科技嘅钢化玻璃屏，点跌都唔爆啊！
阿咩：个屏几硬都冇用啦，照多两次，又咪爆到A咁！
串爆卖楼佬
卖楼佬：先生，睇下呢个楼盘吖，半个钟到珠江新城………净系卖230万咋！嗱！先生，你依家落订，我私人醒个95折畀你，平成十几万嘎！系唔系好抵呢！
（虽然买唔起，但系都要串爆佢！）
我：咁平啊！最衰广州限购，我老婆又唔肯离婚……一系咁，你依家跟我返屋企，系我老婆面前搞嘢，咁我老婆实同我离婚啦！
情况a
卖楼佬：黐线！两个麻甩佬……
我：后生细仔，唔辛苦点得世间财啊！
情况b
卖楼佬：好，咁行啦。
我：贱格！为咗几个臭钱出卖自己嘅身体！你同我躝！
上完呢堂之后，
普通嘅推销肯定埋唔到你身！
最新评论