摘要：出嚟行走江湖，你要识边啲黑社会暗语！
今次就继续延续呢个脑洞，
出嚟行，你要识边啲黑社会暗语！
要做铜锣湾唯一嘅陈浩南，
你必须要偷渡过香港，
「屈蛇」喺货柜。
屈蛇
似蛇一样蜷曲隐匿喺某处，最初指偷渡，以前偷渡客来港都会隐藏喺小艇或货柜中。
后来引申到指违反规定留宿于某地，强调多人屈住于一个狭窄嘅空间。
货柜上边，你可能会遇到：
人蛇：偷渡客
小人蛇：偷渡嘅少年儿童
蛇船：载偷渡客嘅船
蛇头：偷渡客嘅带路人或组织者
打蛇：部分帮派绑架偷渡客向其亲属勒索
决定「捞偏」「出嚟行」，
你必须就搵到罩住你嘅社团，
社团之中会有：
阿公：又解社团﹐与同门兄弟交谈时用﹐
如「大家帮阿公做嘢」
坐馆、龙头：最高领导人
叔父：黑社会大佬辈人士
揸fit人：话事人（实行区头制嘅制度）
白纸扇、红棍、草鞋：社团第二梯级嘅成员
老四九：入社团三年不能升上一级嘅人
四九仔：普通社团会员
老朋：普通非江湖上的朋友
老表：江湖上结拜兄弟
身边嘅人龙蛇混杂，咩人都有：
大圈仔：从大陆嚟香港作案嘅人，
「大圈」指代省城广州
牛屎飞：新界乡村出身嘅社团人士
新界仔：新界新市镇出身的社团人士
而为咗上位，你都咩都要做
天文台：负责睇水嘅人
文雀：职业扒手
老笠：抢劫
老爆、爆格：爆窃，进入有人之屋行窃就叫「爆热格」，反之则为「爆冷格」
收陀地：收保护费
大耳窿：从事高利贷嘅人
放数：放高利贷
起钉：黑社会开始计算贷款嘅利息
走数：债仔欠债不还或有人欠社团钱
淋油：喺你屋企门前淋油漆
你阿公瓣瓣都捞，
下边就会有好多「场」：
大档：非法赌场
粉档、饭堂：非法贩卖及吸食白粉嘅地方，
制造白粉嘅地方就叫「厨房」
马槛、色情架步：卖淫场所，
「架步」系指某个地方
骨场：色情按摩桑拿浴室。
老旺：旺角
公海：油尖旺同铜锣湾
地头：地盘，但「环头」系指警区
你社团同隔离义丰约出嚟「讲数」，
想「四四六六」拆掂佢，
点知有条友唔够班就出嚟做「架兩」，
大家讲唔埋数，攞起「架撑」，
即刻「开片」！
开拖、开片、劈友：斗殴械斗
还拖：还手
帮拖：帮自己人打交
冧友、做低：杀人
单拖：单人匹马
只抽：单挑
围抽：围殴
爆缸：流血
做一两年，有返咁上下地位，
你就要有啲手下啦！
马仔：手下喽啰
新马：新收嘅手下
收马、收靓：招兵买马
班马、拖马：搬救兵，叫帮手
见个势头唔啱，你想飞起你个社团，
另谋出路，你以下几个选择：
二五仔：社团内奸
爆勇、报串：告密
起飞脚：背叛兄弟或社团
起尾注：类似“起飞脚”﹐指呃兄弟钱财
报串：报案或揭发同伙
做针：做警方嘅线人，提供犯罪信息
最后捞唔落去，
你嘅下场可能就得几种：
着草、走佬：逃走、潜逃
食莲子羹：被枪毙，60年代香港人叫子弹做“莲子羹”，「请你食莲子羹」就系向某人开枪
受靶：坐监，「大祠堂」就泛指监狱。
入册：入狱，“冊”系指被记录入册以及指代笼牢嘅闸栅，所以出狱就系「出册」
所以一旦行差踏错，
唔系咁容易「收山」「上岸」噶！
本文仅收集最常见嘅用语，
各位自己友有咩补充？
素材出自《香港粤语惯用语研究》、维基百科等
羊城网负责整理编辑
最新评论