代表人物：小沅子

代言感想：真系估唔到我一个全公司最底层嘅加班编辑狗可以代表呢个群体发声。

冇谂到我早午晚都系佢嘅拥趸，解决我三餐食乜嘅烦恼，方便快捷，方便使用。

最加分嘅系，好彩有廿四小时营业嘅便利店陪我度过漫漫加班夜！

代表人物：阿咩

代言感想：断估唔到我堂堂一个编辑部领头人居然要沦落到中下层。

正所谓，人一世物一世，要对自己好啲嘅，不过最难顶嘅一定系因为要将午休时间攞嚟排队咯。

平时都唔钟意排队嘅人居然要用一个钟排队，排到你仲要嗱嗱声食晒走人。

强烈要求老世将放饭时间调成三个钟！

代表人物：毛毛

代言感想：作为一个公司嘅财政大神，掌管着公司嘅命脉，冇返些少银两点得？

虽然话珠江新城处处黄金，但依然奈何唔到我对食物嘅追求，虽然讲系偶然，但其实都算每日报道喇！

最希望嘅当然系全公司嘅人都可以喺度开到返喇！

代表人物：不愿意透露姓名嘅某高层

代言感想：作为一个公司嘅高层，掌管住成间公司，讲轻松唔轻松，为咗公司嘅好形象，做高层嘅一定要保持好嘅形象。

偶然要同公司嘅客户倾下生意，所以环境系最重要嘅！千祈唔好睇小呢啲场合，事关公司存亡噶！

希望公司上下齐心合力！

代表人物：吖鸭

代言感想：好感谢我阿妈日日帮我煮饭！平时食开冇乜感觉，估唔到今次呢个排名可以畀我攞第一！

每日烦恼中午食乜真系好嗮时间咯，所以自己带饭就咩都唔使烦。而且公司嘅同事眼中蕴含着羡慕嘅光芒，令到我非常骄傲哈哈哈哈哈哈！

要同公司嘅同事讲声对唔住！每次都唔同你哋去食饭真系唔好意思！