七、八十年代，香港有好多卖座嘅系列电影，至今都被奉为经典。其中「最佳拍档系列」同「五福星系列」简直系龙争虎斗！

为咗避免恶性竞争、为咗大牌明星唔伤和气，两边嘅电影公司都达成共识，错开两个系列电影嘅上映时间（例如今年《五福星》上映，《最佳拍档》就下年上映）。

「最佳拍档系列」：新艺城影业公司

「五福星系列」：嘉禾电影公司

但好可惜，今日要同大家安利嘅并唔系《五福星》同《最佳拍档》，而系完美描述呢个社会“对金钱的态度”嘅「富贵逼人系列」！

「富贵逼人系列」：《富贵逼人》、《富贵再逼人》、《富贵再三逼人》

《富贵逼人》系列，同一个套路，拍咗三部，标叔同肥姐穷足一世，但每次都会行狗屎运中六合彩头奖，又每次都会因为一啲无厘头嘅原因冇晒啲钱！

例如：银行执笠…

但系，点解话《富贵逼人》完美描述呢个社会“对金钱的态度”？

你贪唔贪钱？贪！

你想唔想有钱？想！

你钟唔钟意钱？钟意！

有朋友睇完之后问我：一屋都系贪钱人啫，有咩咁好睇？

我回复呢位朋友：如果你只系睇到“贪钱”，唔该你认真睇多次！

《富贵逼人》里面唔止描述人有几贪钱，更加表达咗，我哋应该用乜嘢态度去看待金钱、以及金钱会带来嘅所有嘢（无论好坏）！

讲返剧情！

标叔喺戏里面，同依家啲“废青”冇乜分别，虽然有返工，但系日日都hea住做，仲得罪埋女魔头上司，连份工都hea冇埋…

肥姐系家庭主妇，三个女都冇工作能力。作为家庭支柱嘅标叔冇咗份工，经济压力当场成吨咁嚟！

但就喺最绝望嘅时候，第一次狗屎运话嚟就嚟！烂赌嘅肥姐居然中咗六合彩！头！奖！一千九百万港币！（《富贵逼人》1987年上映，计返通胀，购买力应该系依家嘅几十倍！）

“有钱就身痕”，中咗六合彩，连觉都唔瞓，意淫有钱人嘅生活！

人哋话“富不过三代”，标叔一家人仲阴公，喺戏里面连30分钟都富唔过。一千九百万奖金存入细佬介绍嘅银行，点知间银行执笠，所有存款都冇晒…

而且衰开有条路，大女嘅男朋友曾志伟一时冲动，被几个兄弟说服咗，绑架细女招弟。不过到最后当然都系大团圆结局，细女平安返嚟，曾志伟冇畀警察拉。

《富贵逼人》第一部到呢度就结束了，第二、三部续用第一部嘅套路：冇钱变有钱，有钱变返冇钱，反反复复。

身边睇过《富贵逼人》嘅朋友，大部分都有呢位豆瓣网友嘅感觉。

但系依家，《富贵逼人》成为咗绝大部分中国人嘅真实写照！

有几多亲戚，唔重情，净睇钱？

有几多人，为咗份工战战兢兢？

有几多人，为咗悭一个几毫，筋疲力竭？

有几多人，日日返工都逼到只狗咁？

生活艰难，时来运到当然好，但系都唔可以强求，始终都要脚踏实地，靠自己双手搵食！如果觉得攰、顶唔顺，咪返屋企食餐饭，饮碗汤咯！