呢几日喺微博有个热门话题，
“山东人中意用倒装句”，
起因系有个人发咗条微博，
话好多人话山东人讲嘢中意用倒装句。
作为“倒装句魔王”嘅广东人肯定唔顺超，
即刻留言同佢科普下，
然后就所有广东人都滴卡上车，
真诚咁教育你哋，咩叫——
广东倒装，天下无双，
粤语一出，谁语争锋！
一开始，仲系正常画风，
大家基本上用“XXX先”，“畀XXX”造句，
后来，开始有人科普，
其实广东人连爆粗都系用倒装！
（此处又有我歌神金句！）
再后来，我大广东同胞就刹唔住车，
所有唔系正常语序嘅广东话都攞嚟讲。
有部分语句系咪倒装仲值得商榷，
不过阿咩睇完之后，
发现自己都已经唔知咩系倒装啦，
甚至觉得倒装嘅先系正常语序！
粤语嘅倒装用法由来已久，
一直畀外省人吐槽，
最常见嘅倒装语句有——
粤语果然系博大精深，
乜鬼都可以攞嚟倒装，
就算系词语，都可以倒装嚟用！
比如粤语嘅“经已”同普通话嘅“已经”，
明明系一样意思嘅词语，
喺粤语之中反而要调乱顺序表达！
举几个经常用嘅例子：
素质——质素
呢次招到嘅员工质素唔错。
（这次招聘的员工素质不错。）
夜宵——宵夜
等阵放工我地一齐去食宵夜。
（待会儿下班咱们一起吃夜宵。）
责怪——怪责
你就唔好怪责佢啦！
（你就不要责怪他了！）
要紧——紧要
鸡碎咁多钱嗻，唔紧要。
（少少一点钱罢了，不要紧。）
类似嘅词语阿咩仲统计咗一堆：
（前方长图来袭！）
系咪觉得又畀粤语教你做人呢！
点解粤语会有咁多倒装词句，
有两方面嘅原因：
一方面
粤语承继自古汉语，大多数表达都系约定俗成，而古汉语之中又经常出现倒装语法，所以粤语保留咗好多古汉语嘅语法。例如（宋）朱熹《论语集注》云：“且将《论》、《孟》紧要处看，如何？”
另一方面
粤语嘅语序颠倒反应咗广东人“微妙嘅排外心态”。
从两千几年前，南越王与秦汉作对开始，南粤人就有种排外情绪，直到近现代，虎门销鸦片，三元里抗英，戊戌变法，辛亥革命，办黄埔军校，北伐战争，广州起义等著名嘅历史事件，都系广东人做历史主导者。解放之后，“南下干部”主政广州，带嚟好多北方嘅风俗、习惯同语言，广东人虽然接受，但系确实有过一段时间存在抵触和抗拒。
毕竟普通话只有七八百年历史，而粤语已经有两千几年历史，每一代口口相传，喺每个人广东人心中都根深蒂固，所以好难放弃传统语言，反而跟住讲普通话。
其实无论系咩原因，无论系咪倒装
大家讲得开心咪得咯！！！
使乜咁介意呢啲嘢！！！
大家用得最多嘅系边句倒装？
留言讲嚟听下！
唔信有我未听过嘅！
素材出自新浪微博、大洋论坛等
羊城网负责整理编辑
最新评论