摘要:如果叫依家啲细路,揽住个冬瓜瞓一晚,佢会点呢?

广州嘅冬天姗姗来迟,但系夏天肯定准时甚至提早到!

 

廿年前嘅消暑方法,有几多坚持到依家?-羊城网——懂互联网,更懂广州!

 

依家嘅天气虽然未算热到飞起,但系“想落雨又落唔出”嘅种闷热,同样恶顶!空调“雨神大人”就系我哋嘅救星!

 

廿年前嘅消暑方法,有几多坚持到依家?-羊城网——懂互联网,更懂广州!

 

咁大家有冇谂过,二三十年前嘅广州人,又冇空调、又冇“雨神”,佢哋究竟系点样捱过夏天嘎?

 

 瞓竹席 

 

竹席,从旧时到依家,都系夏天唔可以缺少嘅物品。以前冇空调,阿爸阿妈最钟意喺竹席上面洒啲水,跟住全家人一齐喺竹席上面玩,玩攰咗就直接喺上面瞓,一夜好梦。

 

廿年前嘅消暑方法,有几多坚持到依家?-羊城网——懂互联网,更懂广州!

 

 

 食西瓜 

 

冰冻西瓜用嚟消暑,真系一流!不过以前唔系人人都有冰箱。冇冰箱雪?咁西瓜点先会冰凉呢?旧时嘅人,会将西瓜用麻绳扎住,吊入井水里面,过一晚,西瓜就好似放喺冰箱里面咁冰凉!

 

廿年前嘅消暑方法,有几多坚持到依家?-羊城网——懂互联网,更懂广州!

 

 

 抱冬瓜 

 

以前空调好少,夏天热瞓唔着,阿妈就会洗干净个冬瓜,畀我揽住嚟瞓。

 

廿年前嘅消暑方法,有几多坚持到依家?-羊城网——懂互联网,更懂广州!

 

 

 大葵扇 

 

除咗冬瓜、竹席之外,葵扇都系夏天必备物品!一到夏天,隔离邻舍都会担张竹凳出屋外面,排排坐,吹下凉风,再攞起把大葵扇扇风,倾下偈,就咁过一日。

 

廿年前嘅消暑方法,有几多坚持到依家?-羊城网——懂互联网,更懂广州!

 防空洞 

 

听老窦讲,佢以前屋企附近有嘅防空洞,细路仔会成群结队一齐入防空洞里面玩冒险。而大人就钟意喺防空洞门口坐,特别凉爽。

 

廿年前嘅消暑方法,有几多坚持到依家?-羊城网——懂互联网,更懂广州!

 饮冰水 

细个冇钱出街饮汽水,就唯有喺屋企冰箱雪一支冰冻嘅开水,雪一晚,第二日饮,透心凉!不过阿妈话饮冰水容易屙肚,所以好少饮...

 

廿年前嘅消暑方法,有几多坚持到依家?-羊城网——懂互联网,更懂广州!

 食雪条 

 

以前屋企楼下嗰间士多仔,夏天雪糕雪条成日卖断货!以前雪糕冇依家品种咁多,价钱都唔贵,5毫纸就有一条,1蚊1条嗰种已经系奢侈了!水果味雪条、五羊红绿豆批、蛋奶批、红绿灯……好多都已经“绝种”啦。

 

廿年前嘅消暑方法,有几多坚持到依家?-羊城网——懂互联网,更懂广州!

 

 

 落河玩 

 

细个嗰时,啲河仲好清好干净,夏天经常会同朋友仔去河边玩水,又可以捉虾、捉鱼,不知几开心。

 

廿年前嘅消暑方法,有几多坚持到依家?-羊城网——懂互联网,更懂广州!


 食绿豆沙 

 

知道今时今日,绿豆沙依然系解暑“极品”!小学嗰时一个星期一次体育课,太阳好猛好热,上完体育课,人都会黑啲,阿妈见到我黑咗,就会即刻入厨房煲绿豆沙!

 

廿年前嘅消暑方法,有几多坚持到依家?-羊城网——懂互联网,更懂广州!

 

转下眼,已经大个了。

 

依家嘅夏天依然好热,但系屋企有风扇、有空调,冰箱里面有汽水、有雪糕......不过,就算有咁多解暑嘅嘢,但系我硬系觉得争紧啲嘢!

 

如果叫依家啲细路,揽住个冬瓜瞓一晚,佢会点呢?

廿年前嘅消暑方法,有几多坚持到依家?-羊城网——懂互联网,更懂广州!