侄仔(四年级)粤语近排进步好大,大哥大嫂喺屋企终于唔使再讲“半桶水普通话”,开心到中咗奖咁,仲要我“评估”下,侄仔仲算唔算“土生捞仔”

怀住玩嘅心态,我同侄仔玩咗一个粤语俗语问答游戏,我问一个,佢答一个,赢咗有奖。但系侄仔嘅表现,真系搞我“十五十六”。

✎十五十六:心里忐忑不安。

当粤语成为00后眼中嘅火星文……-羊城网——懂互联网,更懂广州!

 冬前腊鸭

我:“你知唔知「冬前腊鸭」咩意思?”

侄仔:“冬天要蒸腊鸭食!”

我:“唔啱。”

侄仔:“啲鸭过冬之前特别肥,整腊鸭最好食?”

我:“你都识得好多嘢喔!”

当粤语成为00后眼中嘅火星文……-羊城网——懂互联网,更懂广州!

✎冬前腊鸭——只攋只:一般只两个性格或外形有差异的人走到一起,尤其指夫妻,暗喻有互补的意思,即一个强“攋”一个弱。

 菠萝鸡

我:“考你第二个,「菠萝鸡」你又识唔识?”

侄仔:“菠萝蒸鸡?”

我:“唔啱。”

侄仔:“菠萝包里面包住只鸡?”

我:“唔啱。”

侄仔:“只鸡包住个菠萝包?”

我:“唔关菠萝包事嘎!”

当粤语成为00后眼中嘅火星文……-羊城网——懂互联网,更懂广州!

✎菠萝鸡:靠黐,占人便宜的意思。

 你有牛白腩,我有荔枝柴

我:“再考一个,「你有牛白腩,我有荔枝柴」咩意思?”

侄仔:“一个烧火,一个煮,一齐食牛杂!”

我:“唔好成日谂住食喇。”

侄仔:“牛白腩换荔枝柴,蚀底喔!”

当粤语成为00后眼中嘅火星文……-羊城网——懂互联网,更懂广州!

✎你有牛白腩,我有荔枝柴:实力相当,能够互相抵挡。

 生鬼

我:“考个简单啲嘅,「生鬼」点解啊?”

侄仔:“一个女人生咗只鬼?”

我:“你鬼片睇得多啊?”

侄仔:“老婆勾佬,搵咗个外国人,咁咪生‘鬼(鬼佬:外国人)’咯。”

我:“呢啲情节你喺边度睇到嘎?以后唔准睇!”

当粤语成为00后眼中嘅火星文……-羊城网——懂互联网,更懂广州!

✎生鬼:生动鬼马。

 抛浪头

我:“「抛浪头」你有冇听过啊?”

侄仔:“《正义联盟》个海王啊?一个浪抛过去。”

我:“唔啱。”

侄仔:“系咪Gel头?Gel到好似周柏豪咁咯。”

我:“咁讲有好似讲得通喔。”

当粤语成为00后眼中嘅火星文……-羊城网——懂互联网,更懂广州!

✎抛浪头:虚张声势,靠吓。

 托水龙

我:“你想象力咁丰富,再估下「托水龙」系咩意思。”

侄仔:“水龙?哦,我知喇。”

我:“系咩啊?”

侄仔:“系咪屙尿啊?只手托住条X。”

我:“嘘!嘘!畀你阿妈听到,佢闹死我啊!呢题跳过。”

 

当粤语成为00后眼中嘅火星文……-羊城网——懂互联网,更懂广州!

✎托水龙:借了别人的钱,能拖就拖。

 踎墩

我:“「踎墩」好简单,你估下咩意思。”

侄仔:“咪踎喺个桥墩下面咯。”

我:“好近喇!踎喺度即系点?”

侄仔:“开大。”

我:“除咗食,就系屎尿屁,你喺学校究竟学咗啲乜啊?”

 

当粤语成为00后眼中嘅火星文……-羊城网——懂互联网,更懂广州!

✎踎墩:无所事事,没事做。也指失业没有工作,或退休。

 扎炮

我:“正正经经喇,「扎炮」系咩意思?你答啱咗买个雪糕畀你食”

侄仔:“畀少少提示得唔得啊?”

我:“唔系嘢食,唔系屎尿屁,系形容一个人处于艰苦嘅状态。”

侄仔:“唔到仔?不孕不育?结扎咗?”

我:“呢啲嘢你喺边度学返嚟嘎?”

当粤语成为00后眼中嘅火星文……-羊城网——懂互联网,更懂广州!

✎扎炮:冇饭开,捱饿。

 

以上内容虽然含有恶搞成分,但眼看身边嘅小朋友,对粤语俗语理解同使用嘅能力越嚟越差,真系笑唔出。

 

粤语里边,咁多趣致搞怪俗语,不仅包含住广东人嘅风俗习惯,亦都记载咗广东人嘅生活。曾经嘅口头禅都系一段“历史”,历史虽然过去,但希望遗留落嚟嘅嘢唔会销声匿迹。

当粤语成为00后眼中嘅火星文……-羊城网——懂互联网,更懂广州!

 

本文粤语俗语及解释出自《老饼潮语3(苏万兴)》

如果文中有错漏之处,请指出更正。