最近，小沅子喺FB看到一条澳门某五星级酒店嘅宣传片，然后成个人深深深深深深深深被“震撼”，差啲冇办法开工做嘢。

本住有“笋嘢”一齐分享嘅态度，决定分享畀大家睇下……

▲坚持睇完全片都系“真的汉子”！

唔知大家睇完之后咩感受，反正我睇完之后，成个人嘅表情系——

上一次畀我咁震撼嘅视觉、听觉冲击嘅片，仲系我过年被个friend拉去戏院睇《澳X风云3》……

该片以碧咸为主角，讲述碧咸到澳门旅游，寻找传说中嘅葡挞嘅故事。但作为一个宣传澳门特色嘅酒店旅游宣传片，此片被po上网冇几耐，唔少网友就闹到贴地！

澳门现行嘅官方文字系中文同葡萄牙，而粤语更加系澳门居民第一大通用语言，根据澳门统计局2016年的数据，15-29岁青年人口，以粤语为日常用语所占比例为77%。

按道理，澳门街上随便搵一个司机或者店主，讲粤语嘅应该占绝大多数。

唔计身为外国人嘅碧咸，片中选用嘅中国艺人，除咗林雪、罗兰姐，其他均系讲纯正普通话嘅内地艺人，点样代表澳门呢？

有啲演员嘅口音甚至带有明显的“儿化音”，故事发生喺澳门，但人物讲紧北京口音，更加令人觉得离地。

仲有罗兰姐阿句“小贝贝”，当场吓到我个离一离！

明明人哋个粤语译名应该叫碧咸，广府人从细叫到大都系叫碧咸，你应该叫人“小咸咸”！

全片嘅线索都系“咸爷”搵蛋挞，但问题系由始至终，“咸爷”食嘅好明显系葡挞啦！

连铺头名都系写住葡挞……

葡挞同蛋挞，虽然粤语名称相近，但发明历史、制作原料、外观同味道均有明显差异，而片中全部人都讲紧“蛋挞”、“蛋挞”、“蛋挞”，你真系呃我膝头哥唔食辣椒酱？

唔少网友表示，从呢条片中感受到任何原汁原味嘅澳门文化，反而处处都好尴尬。

✎翻译：太难看了，这不是澳门本地文化，不要再犯这样的错了！

而且片中，的士司机接待乘客态度咁串、开车又急转弯、客人话食物唔好餐厅就要打人，呢啲刻意嘅情节设计，更加似系唱衰澳门嘅餐饮旅游业！

各位自己友，

你有冇睇完全条宣传片，

你又有咩感受？想对其讲咩？

而我本人观后感受，

就系下面呢两条评论：