摘要:粤语历久不衰,系一直有新嘅词汇补充,而影视同音乐就系其中一个来源。你知唔知,有几多粤语词嘅诞生同发展系离唔开影视作品?如果冇咗呢啲影视及音乐作品,我哋嘅生活又会少咗边啲词?

粤语历久不衰,系一直有新嘅词汇补充,而影视同音乐就系其中一个来源。

 

你知唔知,有几多粤语词嘅诞生同发展系离唔开影视作品?如果冇咗呢啲影视及音乐作品,我哋嘅生活又会少咗边啲词

 

港片隐藏知识点,睇完包你赞导演!-羊城网——懂互联网,更懂广州!

丫呜

「丫呜婆」系每个细路童年阴影,因为啲家长总系用佢嚟吓细路仔。

“你再唔听话,有丫呜婆嚟捉你啊!”

港片隐藏知识点,睇完包你赞导演!-羊城网——懂互联网,更懂广州!

「丫呜」嘅由来,同“乌鸦”真系冇咩关系,反而同一位将军有关。

汉朝有个叫刘胡嘅将军,由于块面坳黑似胡”被人叫做坳胡

由于佢骁勇善战,令到各方蛮夷都怕咗佢,后来夸张到有人用佢嚟吓啲唔听话嘅细路:“坳胡嚟啦!” “丫胡公嚟啦!”(相当于《春娇救志明》只趷趷刚)

港片隐藏知识点,睇完包你赞导演!-羊城网——懂互联网,更懂广州!

后来越传越夸张,「丫呜」就被渲染为一种恐怖嘅妖魔鬼怪

之后有好长一段时间,广东人都已经遗忘咗「丫呜」呢个词,知道1985年林子祥唱咗首《丫呜婆》「丫呜婆」就用于指代丑怪女人。

港片隐藏知识点,睇完包你赞导演!-羊城网——懂互联网,更懂广州!

小强

「小强」系蟑螂嘅谑称,最先出自1993年星爷电影《唐伯虎点秋香》,星爷将被踩死嘅蟑螂称为「小强」,并为之大喊博同情。

港片隐藏知识点,睇完包你赞导演!-羊城网——懂互联网,更懂广州!

后来喺《算死草》同《男亲女爱》之中,都有运用呢个梗,令到「小强」一词更加深入民心啦。

 

港片隐藏知识点,睇完包你赞导演!-羊城网——懂互联网,更懂广州!

 

转移下话题,《男亲女爱》之中曾经喺余乐天嘅梦中拟人化,据说呢只实体化小强,系马国明不露面演出。

 

港片隐藏知识点,睇完包你赞导演!-羊城网——懂互联网,更懂广州!

▲我嘅童年真系处处有马明

 

事实上,「小强」呢个名并唔系星爷或者编剧所起,而系出自谷德昭。当时成个剧组都谂紧帮只蟑螂起咩名更搞笑,谷德昭灵机一动谂到「小强」,结果从此就经典嘅喜剧梗。

 

港片隐藏知识点,睇完包你赞导演!-羊城网——懂互联网,更懂广州!

时至今日,「小强」唔再单纯指某种生物,更多系对身躯弱小但打不死,又有无限潜能嘅人嘅认可。

三六九

指代旧时嘅警察,出自上海经典滑稽剧《七十二家房客》经典角色「三六九」

港片隐藏知识点,睇完包你赞导演!-羊城网——懂互联网,更懂广州!

四十年代,好多上海电影进入香港,翻拍第一部电影版《七十二家房客》,剧中好多梗由此喺广东地区传播,之后都有唔少以此为蓝本翻拍版本。

 

港片隐藏知识点,睇完包你赞导演!-羊城网——懂互联网,更懂广州!
港片隐藏知识点,睇完包你赞导演!-羊城网——懂互联网,更懂广州!

半斤八两

此词最早出自宋惟白《建中靖国续灯录·法恭禅师》:“秤头半斤,秤尾八两”半斤八两,轻重相等,故比喻为彼此一样,不相上下。

 

港片隐藏知识点,睇完包你赞导演!-羊城网——懂互联网,更懂广州!

1976年香港电影《半斤八两》上映,引起巨大反响,同名主题曲由许冠杰演唱,歌词中有句:

 

出咗半斤力,想话攞番足八两

家阵恶揾食,边有半斤八两咁理想

 

港片隐藏知识点,睇完包你赞导演!-羊城网——懂互联网,更懂广州!

 

歌词反映当时社会生活艰难,使「半斤八两」成为一种无法达到、奢侈嘅愿望,凸显打工仔嘅苦况「半斤八两」变得偏向贬义。

船头尺

最初系粤语嘅一个经典歇后语“船头尺——度水”,比喻向人借钱攞钱,后来因《秋天的童话》「船头尺」一角而广为传播。

港片隐藏知识点,睇完包你赞导演!-羊城网——懂互联网,更懂广州!

同样出自《秋天的童话》嘅仲有一个词——

茶煲

电影入边,船头尺用「茶煲」(Trouble嘅谐音)形容女性,觉得女人口不对心、斤斤计较好麻烦。

船头尺:「女人真系茶煲。」

十三妹:「你话乜嘢系茶煲?」

船头尺:「茶煲呀,Trable (Trouble),你唔识英文嘅咩?」

港片隐藏知识点,睇完包你赞导演!-羊城网——懂互联网,更懂广州!

大只广

广府有句俗语叫“大只讲,口爽爽”,但系点解又有「大只广」呢个词?

「大只广」原本系漫画家潘醉生作品《大只广》嘅主人公,身材高大而被叫「大只广」。

 

港片隐藏知识点,睇完包你赞导演!-羊城网——懂互联网,更懂广州!

▲你冇睇错,的确就系简笔画水平……

 

由于“广”谐音为“讲”,部分人讲嘢又有懒音,「大只广」变成「大只讲」另一种讲法,不过「大只广」更加着重形容一个人空有其表外表高大威猛,实际毫无建树

 

港片隐藏知识点,睇完包你赞导演!-羊城网——懂互联网,更懂广州!

其后有电视剧创作咗「大只广」嘅角色,比如《大闹广昌隆》之中,林家栋饰演嘅「大只广」傻下傻下又滑稽搞笑,观众非常中意,令「大只广」更加为人所知。

港片隐藏知识点,睇完包你赞导演!-羊城网——懂互联网,更懂广州!

省港旗兵

1984年,香港上映咗一部经典警匪片《省港旗兵》讲述咗一群来自广州的匪帮在香港抢劫的故事。

 

港片隐藏知识点,睇完包你赞导演!-羊城网——懂互联网,更懂广州!

 

当时大陆啱打完越南战争,有退伍军人由于种种原因铤而走险去香港犯罪,「省港旗兵」一词就从省城广州来港澳作案嘅劫匪,香港地区用得比较多

70年代「湖南帮」、80年代嘅「大圈帮」,近年嘅「广西帮」、「贵州帮」,包括前不久去世嘅贼王叶继欢都系赫赫有名嘅「省港旗兵」

港片隐藏知识点,睇完包你赞导演!-羊城网——懂互联网,更懂广州!

最后送个彩蛋,虽然戏入边黄子华同小强亲如兄弟,

但其实佢系怕小强,睇下《男亲女爱》NG花絮你就明啦!

(小强戏份喺5分44秒)

 

 

各位自己友,

你哋仲知道有咩词来源于影视作品?

素材出自《香港粤语习用语研究》、维基百科等

羊城网负责整理编辑

港片隐藏知识点,睇完包你赞导演!-羊城网——懂互联网,更懂广州!