5句粤语俗语讲晒你嘅返工日常，点止做到只积咁？
建六
广古仔
2016-09-18
0
要用一句话形容返工嘅日常，
我谂99%嘅自己友都觉得系
做到只积咁
但其实，点止咁简单！
拥有一份工之前，
先要经历一轮残酷嘅拣蟀
拣蟀意指挑选符合条件嘅人才，所以“企业拣蟀”又有企业招聘嘅意思。“拣蟀”一词来自广州人斗蟀，喺斗蟀之前先要挑选好蟀，所以将人才比喻为蟀，招聘人才就系拣蟀。
成功入到公司之后，
仲要对付身边嘅烂头蟀
烂头蟀指于比赛中即使被打至头烂亦唔服输嘅蟋蟀，因此喺广东话中引伸为好打斗嘅人。用于职场上当然唔系指打架勇猛，而系不顾一切、硬碰硬嘅员工。
就算唔去得罪人，
一样会畀人装弹弓
装弹弓嘅意思应该不难明白，指设局陷害别人。原来装弹弓同动物有关，捕兽器内设有弹弓，当猎物一走入笼内便会触动弹弓，笼门随即关上，捕获猎物，与设局害人有异曲同工之意。
老世经常无端白事叫你入佢Office，
话有事要斟斟
“有事要斟斟”这句话在辨公室最常出现，指有事商量。“斟”为何会与商量有关？广州人喜欢在茶楼边饮茶边商量要事，而帮对方斟茶代表礼貌，因此“斟”成为了商量的代表词。
你嘅上司唔在乎你系咪
做到只积咁
照样会增加你嘅工作量
呢句潮语因许冠杰嘅《半斤八两》唱到街知巷闻，但”积“其实系乜嘢？”积“原来系千斤顶英文Jack嘅谐音，用嚟举起汽车等重物进行维修。将上班族比喻成”积“，贴切咁反映出上班族备受上头压力、工作量过多嘅形象。
到月底，除咗系只积，
仲系要食谷种嘅穷鬼
唔少上班族月尾都经历“食谷种”惨况，食谷种指贫穷到要靠食老本维持生活。谷种系谷物嘅种子，一般唔会当作食粮用，但如果沦落到农作物失收就需以谷种充饥，代表生活非常贫困。
大家睇完唔好咁灰，
唔努力过点知咩叫绝望呢？
评论