喺广州嘅街头巷尾，经常可以听到街坊讲“早晨”、“多谢”、“唔该”……既彬彬有礼，又有人情味。粤语嘅礼貌用词，有地方特色，同时亦都非常讲究。一齐嚟睇睇边几个礼貌用词最令人无法抗拒？

喺广州人日常生活中使用频率最高嘅“唔该”，直译普通话系“不该”或“不应该”，意译则为“谢谢”，有时也作“劳驾”、“麻烦您”使用。

除咗用作“谢谢”外，喺需要请人帮忙做一件事之前都会先讲声“唔该”，譬如“唔该，帮下手”，此处作“劳驾”用。

当旁人帮过忙后，讲“唔该晒”，同普通话中嘅“谢谢”或“麻烦您”用意相同。

地铁、巴士中最常听到嘅一句话，意思系“请让一下”“借过”。广州人凡事都唔该行先。

讲得最多嘅应该就系：“唔该借借，我想行出去。”

“早晨” 相当于普通话“早上好”。而真正表达早上意思嘅，系另一个词“晨早”。

“早晨”喺广州人中普遍使用嘅礼貌词语大约开始流行于20世纪的20，30年代，系从西方人嘅“早上好”、“晚上好”中转化过嚟嘅，隐去“好”字呢个唔太符合中国语法嘅礼节用语，系因为广州人历来有简化口头语嘅习俗，所以将“早上好”嘅“好”字省去，正如将“搭的士”(乘出租车)简化为“打的”一样。每日早上见面一句“早晨”，倍感亲切之余仲有打气嘅效果！

“早唞” 意为休息、歇息，与普通话中嘅“晚安”大致相同。用于晚上或睡前嘅道别语，即“请早点休息”或“要早些歇息”。训觉前听到呢句，都觉得好warm！

“打搅晒” 到别人处请求帮忙代办某种事情，或请求他支持某种事情，告辞离开时要道声“打搅晒”，既有感谢之意，亦有抱歉嘅意思。意即普通话中嘅“打扰了”、“干扰你了”。

“多谢晒” 即“多谢了”。表达感激的意思，畀人感觉诚恳。

“唔好意思” 意为“不好意思”。多指请人帮忙而耽误咗人哋嘅时间或正常工作，或受到人哋某种支持同实惠嘅感谢与歉意。

“再会”即为“再见”。珍惜大家嘅缘分，所以想再会。

正所谓「礼多人不怪」，除咗以上平常嘅用语外，仲有一大堆词可以表达出你系一名知书识礼嘅广州人~

综合自广州日报全媒体