今日用一个特别嘅爱情故事，教晓大家点样用粤语嚟描述一对男女朋友嘅各种关系同行为。
从前有一位太太，佢结咗婚、生咗仔，有波有蘿，但系成部发电机咁，睇怕都电死唔少人。
有一日，一个男人同呢位太太相遇，佢哋当场过电，谂都唔使谂，两个就拍拖了。
有波有蘿——形容女人身材很好。
发电机——形容向男人抛媚眼的女人。
电死人——形容男人畀女人迷倒。
过电———形容男女之间产生爱慕之心。
拍拖——谈恋爱。
拍咗拖之后，佢哋不知几烟韧，成日都撑抬脚，真系好似糖痴豆咁，不过，两个人相处总会有水沟油嘅时候，和好之后，又开始耍花枪。
撑抬脚——情侣一起吃饭。 烟韧——刚刚在一起的情侣经常在一起，很恩爱。 糖痴豆——形容情侣甜蜜恩爱。 水沟油——形容情侣吵架。 耍花枪——情侣打情骂俏。
晒月光对佢哋嚟讲都系平常事，郁唔郁就掹草掹到打晒雾水先肯返归。
晒月光——白天工作，晚上拍拖。 掹草——指情侣到公园或郊野幽会 打雾水——情侣晚上的户外幽会至通宵达旦，以致衣服都被清晨的露水打湿了。
可能系因为佢哋打茄轮打得太大力，啲咖喱鸡成条颈都系，呢位太太嘅老窦发现咗，知道咗个女同第二个男人拍拖，老窦好嬲！原本就有老公了，依家仲要一脚踏两船！佢同老窦解释：“我当呢个男人水泡啫。”
打茄轮——情侣嘴对嘴亲吻。 咖喱鸡——用力亲吻对方颈部留下的吻痕。 水泡——即是备胎。
本来以为呢位太太已经够离谱，但其实个男人都唔好得去边，前女友话佢系个花心萝卜，无论同边个拖友都系当拍散拖咁玩下，追到手玩够之后，就会即刻甩拖。
花心萝卜——形容一个人很花心。
拍散拖——指没有正式确定男女恋爱关系的人在一起，谈不固定对象的恋爱。
拖友——恋爱对象。
甩拖——形容情侣分手。
好景不长，两个人啲衰嘢好快就畀人发现。有一晚佢哋约完炮，㩧完嘢之后，畀太太嘅老公当场抓奸，咁大顶绿帽戴到应一应，呢对契家佬、契家婆都失礼人了！
㩧嘢——男女性行为。
契家佬——指情夫。
契家婆——指情妇。
戴绿帽——女方出轨。
太太嘅老公心都碎埋，但系都系要掟煲，而且仲要斩缆！连箍煲嘅意思都冇，同呢种女人走落去会有咩将来？同呢种撬墙脚、勾义嫂嘅渣男仲点做兄弟？点做朋友？
掟煲——情侣分手。 斩缆——分手后各奔东西。 箍煲——想复合。 撬墙脚——指骗走朋友的情人。 勾义嫂——勾引自己兄弟、朋友的老婆。
到最后，呢个故事畀王家卫改编拍成电影，电影名就叫做《花样年华》（纯属恶搞）。
素材来源于网络，版权归原创者所有。
最新评论