歇后语其实即系“停（歇）之后嘅话语”，系中文入面嘅一种修辞，系将一句话分成做两截，前半截系提示，后半截至系真正嘅意思。
有专家话，最初嘅歇后语同而家睇到嘅歇后语嘅表现形式好唔同，系对当时比较通用嘅成语，系成句话嘅省略。喺陈望道嘅《修辞学发凡》入面叫做藏词。就好似“倚伏”代替“祸福”，出自《道德经》：“祸兮福所倚，福兮祸所伏”咁。
呢种歇后语系需要有一定嘅文言功底先至明嘅，所以佢嘅使用范围就好受到限制。后嚟嘅歇后语就喺结构上系用“比喻说明”式嚟讲。用嘅人就只系讲出比喻嘅部分，后面嘅解释就留畀对方自己谂下同埋领悟。
．忽必烈 — 屁股开花，畀人打到屁股开花
广东人叫屁股做屎窟（音忽）；烈，谐音裂。
．吞金灭宋 — 打斧头〔金，买菜钱；宋，谐音餸〕
．蒙古皇打仔 — 大汗耷细汗（汗流浃背）
．铁木真打仔 — 大汗迭细汗（汗流浃背）
．佐藤右藤 — 藤来藤去〔喺人面前走来走去〕
．三木武夫 — 木无表情
佛山相传替人担幡买水扮孝子哭丧嘅职业孝男，比喻虚情假意、装模作样。
．阿昆买水 — 头耷耷
．佛山孝子 — 似层层
．沙湾何 — 有仔唔忧无老婆（二战前广州沙湾何姓望族）
．濠头郑 — 架势（清末石岐、中山濠头郑氏家族）
．陈村种 — 洗脚唔抹脚（佛山陈村镇）
即系乱揈（抛出同摆动嘅动作），系常用粤语，即系乱使钱。
代表一个人喜欢挥霍如土，带有贬意。
．陆荣廷睇相 — 唔衰攞黎衰
．牛郎织女 — 后会有期
．八仙过海 — 各显神通
．阎罗王开摊 — 鬼买
．狗咬吕洞宾 —不识好人心
．铁拐李打足球 — 脚踢
．阎罗王出告示 — 鬼话连篇
．寿星公吊颈 — 嫌命长
．寿星公攞牌 — 有排受（寿）
．灶头抹布 — 又咸又湿
．灶君上天 — 有嗰句讲嗰句
．灶君跌落镬 — 精（蒸）神
．年三十晚谢灶 — 好做唔做
．姣婆坐定 — 淫贱不能移
．姣婆守寡 — 忍得几耐
．姣婆遇着脂粉客 — 一挞即着、一拍即合
．戥穿石 — 陪衬嘅
．秀才手巾 — 包书（输）
．盐仓土地 — 咸夹湿
．老王卖瓜 — 自卖自夸
．王婆卖瓜 — 自卖自夸
．夸父追日 — 不自量力
．老婆担遮 — 阴功（荫公），即系〔可怜〕
．老公拨扇 — 凄凉（妻凉），都系〔可怜〕
．非洲和尚 — 令人讨厌（黑人僧），即系〔讨人厌〕
．屎坑三姑 — 易请难送
．海军对水兵 — 水斗水
．小朋友剃头 — 就快就快
．懒婆扎脚布 — 又臭又长
．肥佬着笠衫 — 几大就几大
，雷公劈豆腐 — 搵软嘅嚟虾
．外母睇女婿 — 越睇越有趣
．乾隆王契仔 — 周日清〔使钱好快，一日就用光〕
．醉酒佬数街灯 — 不知几盏
．生仔姑娘醉酒佬 — 话唔要又要，话唔制又制
．阿超着裤 — 局住嚟
．亚茂整饼 — 冇嗰样整嗰样
．阿兰嫁阿瑞 — 累斗累
．阿驼行路 — 中中地
．阿崩吹箫 — 嗮气
．唖嘣叫狗 — 越叫越走
．亚聋送殡 — 唔听你支死人笛
．阿扁戴眼镜 — 无得顶
．阿驼瞓棺材 — 死都唔掂
．哑仔食黄连 — 有苦自己知
．扁鼻佬戴眼镜 — 无得顶
．单眼佬睇老婆 — 一眼睼晒（睇晒）
．鸡虫 — 意思同上
．出炉铁 — 唔揼（打）唔得
．打斋鹤 — 导你升仙〔指猪朋狗友〕
．石罅米 — 只畀鸡啄〔喜好召妓嘅男士〕
．过街老鼠 — 人人喊打〔犯众憎人物〕
．无耳藤喼 — 靠托（托大脚、傍友）
．生虫拐杖 — 靠唔住／废柴（无用，失败嘅人）
．新出荷兰豆 — 青靓白净夹（兼）无银（果仁或子实）
系指冇资产嘅年轻人或者只花费祖业而不善生产嘅纨裤子弟。
．土鲮鱼 — 多骨恶啃，绕口杉手
广东人街市惯用语，即系难于处理。
五、六十年代香港，有好多马姐到街市买餸。
当时香港市场小贩用土鲮鱼嚟暗喻马姐。
又因为马姐梳起唔嫁，成为以男性中心嘅市场小贩嚟讲笑嘅对象。
．阿姐买鱼 — 有啲声（腥）气
．海底石斑 — 好瘀（鱼）
．阿姐买鱼尾 — 要搭嘴
．卖鱼佬冲凉 － 无晒声（腥）气
．卖鱼佬洗身 — 无晒声（腥）气
．山草药 — 噏得就噏
．陈年中草药 — 发烂渣
．猫哭老鼠 — 假慈悲
．猫儿洗面 — 系咁意（乡音：嫁家衣）
．井底蛤蟆 － 见识少〔井底之蛙〕
．狗上瓦桁 — 有条路
．老虎打交 — 唔劝得
．无掩鸡笼 — 自出自入
．神台猫屎 — 神憎鬼厌
．阿崩叫狗 — 越叫越走
．狗捉老鼠 — 多管闲事
．水瓜打狗 — 唔见咁截
．田鸡过河 — 各有各「撑」
．亡羊补牢 — 为其未晚
．肉包打狗 — 一去冇回头
．壁虎捕虫 — 不动声色
．飞蛾扑火 — 自取灭亡
．鳄鱼上岸 — 来者不善
．老鼠拉龟 — 无埞埋手
．放虎归山 — 后患无穷
．旱地田螺 — 有口难开
．乌鸡啄乌豆 — 乌啄啄
．公鸡的尾巴 — 翘得高
．鸡食放光虫 — 心知肚明
．高射炮射蚊 — 小题大做
．跪地饩猪乸 － 睇钱份上〔跪地喂猪乸〕
．乌龟过门坎 — 就睇呢一关
．中山狼出书袋 — 凶相毕露
．热锅上嘅蚂蚁 — 走投无路
．老虎头上拍乌蝇 — 唔想生
．黄鼠狼同鸡拜年 — 冇咁好心
．神枱桔 — 阴干
．蒸生瓜 — 唔熟性（唔知人情世故）
．鼎湖上素 — 好斋
．十月芥菜 — 起晒心
．十月蔗头 — 甜到尾
．咸蛋滚汤 — 心都实晒
．火烧猪头 — 熟口熟面
．茶瓜送饭 — 好人有限
．年晚煎堆 — 人有我有
．螃蟹过河 — 七手八脚
．蚊叮鸡蛋 — 无孔不入
．倒挂腊鸭 — 油头嘴滑（满嘴油）
．冬前腊鸭 — 得个睇字〔一般冬节后先嚟食〕
．芋头点糖食 — 心淡
．滚水渌猪肠 — 两头缩
．隔夜油炸鬼 — 无厘火气
．夜晚食青瓜 — 唔知头定尾
．白鳝上沙滩 — 唔死一身潺
．茶壶煮饺子 — 有嘴道（倒）不出
．番薯跌落风炉 — 该煨
．一只筷子食莲藕 —（专）挑眼
．周身刀 — 冇张利
．隔夜茶 — 唔赌（倒）唔安落
．厨房灯笼 — 受气
．厨房阶砖 — 咸湿
．来年茶渣 — 难倒（烂赌）
．打烂沙盆 — 璺到笃
．单料铜煲 — 一滚就熟
．豉油捞饭 — 整色整水
．快刀斩乱麻 — 干净利落
．一头插喺炭堆里 — 霉到顶
．撒路溪钱 — 引死人
．来年通胜 — 唔值钱
．神仙放屁 — 不同凡响
．倒贴门神 — 左右为难
．和尚落山 — 出事（寺）啦
．和尚担遮 — 无法（发）无天
．纸扎下爬 — 口轻轻〔下爬轻轻〕
．棺材铺拜神 — 想人死
．三元宫土地 — 锡（爱惜）身
．抬棺材甩裤 — 失礼死人
．殡仪馆大减价 — 抵死
．啲打佬跌利是 — 白谷／白做
．喃呒佬跌落屎坑 — 无晒符
．甩柄锄头 — 无揸拿
．屎坑砖头 — 又臭又硬
．天堂尿壶 — 全神贯注
．牛皮灯笼 — 点极唔明
．对牛弹琴 — 点极唔明
．幡杆灯笼 — 照远唔照近
．屎坑关刀 — 文（闻）又唔得，武（舞）又唔得
．太公分猪肉 —人人有份
．飞机打交 — 高斗
．断线结他 — 唔弹得
．无线结他 — 无得弹
．潮州音乐 — 自己顾自己
．飞机着火 — 烧云（销魂）
．法老王个妹 — 发（法）老姣
．飞机撞纸鹞 — 有甘岩就得甘桥
．被窦里放屁 — 自作自受
．四张白纸画个狗头 — 好大嘅面子
．番鬼佬月饼 — 闷极（moon cake）
．佛地魔手下 — 食死人（食物有毒食死人）
．沙头角村长个女 — 你爱（搵人要）
．菠萝鸡 — 靠黐
．船头尺 — 度水〔攞钱〕
．鱼片粥 — 啱啱熟
．瓦风岭 — 包顶颈
．无钩称 — 唔知斤两
．炮仗颈 — 唔爆唔安落
．无星称 — 得把声（声同星同音）
．火麒麟 — 周身瘾（烟瘾、睹瘾、嫖瘾）
．江边卖水 — 多余
．冷巷阶砖 — 阴湿
．市桥蜡烛 — 假细心
．竹篮打水 — 一场空
．湿水榄核 — 两头唧
．瓦檐狮子 — 叻到满
．雨后送遮 — 虚情假意
．纸糊窗户 — 一点就破
．潮州音乐 — 自己顾自己
．潮州二胡 — 自己顾自己
．枕头木虱 — 包拗（咬）颈
．湿水棉花 — 无得弹〔无可挑剔〕
．四両棉花 — 弹（谈）唔上〔免谈〕
．家有十五口 — 七嘴八舌
．落雨出太阳 — 假情（晴）
．小河里撑船 — 一杵到底
．山顶吹喇叭 — 名声远播
．高射炮射蚊 — 小题大做
．沙蝉跌落地 — 粒声唔出
．床下底劈柴 — 撞板〔碰壁〕
．卖布唔备尺 — 存心不良（量）
．风吹鸡蛋壳 — 财散人安乐
．鼻哥窿担遮 — 鼻（避）毛（无）可避
．白云山一担泥 — 眼阔肚窄
．八月十五的月光 — 正大光明
．大水冲走龙王庙 — 不认自家人
．两両棉花四张弓 — 细谈
．头壳顶生疮，脚板底流脓 — 坏到透（烂透）
最新评论