摘要:有几多“港东人”讲唔正“港东话”?

 

 

今日买早餐时听到以下对话。

 

男:“阿姨,「偶肉抢加蛋」,要多支「铲汁」。”

 

姨:“好,12蚊啊靓仔。”

 

“港东话”唔准,净系因为口音问题?-羊城网——懂互联网,更懂广州!

 

呢段对话绝对经典!一句话里面出现咗三个最常见嘅“懒音”,「偶=牛」、「抢=肠」、「铲=橙」。唔认真啲听,真系听唔明佢讲乜!懒音嘅出现,可以话破坏咗粤嘅独特味道。

“港东话”唔准,净系因为口音问题?-羊城网——懂互联网,更懂广州!

好似林海峰栋笃笑,其中一段就系模仿时下年轻男女嘅懒音现象,虽然搞笑,但系都应该引起年轻人嘅注意,要正音正读!

林海峰栋笃笑,模仿懒音部分在1分40秒左右

香港歌手梁汉文,亦都唱咗一首《懒音哥》,讽刺依家懒音盛行嘅现象!

 

 

唔单止我哋市民,近年来就连TVB嘅剧集、综艺节目,都频繁出现懒音,“香赶”、“讲东”都唔知听过几多次

 

唔通喺呢个“明星年代”,连最基本嘅基本功都可以忽略?唔系啩...

 

“港东话”唔准,净系因为口音问题?-羊城网——懂互联网,更懂广州!

懒音里面有“五大家族”,都系平时经常会讲嘅字词,就好似“典(点)解”、“痕(行)动”、“鼻失(塞)”、“饭喝(壳)”、“黑(乞)人憎”等等。

 

简单啲讲,懒音即系:该做嘅口部发声动作,偷懒冇做到位。口应该擘大,但冇擘大;应该有鼻音,但冇鼻音之类......

 

“港东话”唔准,净系因为口音问题?-羊城网——懂互联网,更懂广州!

 

想进一步了解懒音系咩,咩先算懒音,睇下呢个《正音正读》粤语相声,搞笑之余,仲可以学到好多关于正音嘅知识!三位表演者字正腔圆,系我哋学习嘅好样板!

 

呢个相声里面提到一个纠正懒音嘅好方法:口含住一条雪条棍(或木塞)然后读报纸。因为懒音嘅形成,好多时就系因为“冇正确发出鼻音同上颚音”,含住条雪条棍,就可以解决到呢个问题!

“港东话”唔准,净系因为口音问题?-羊城网——懂互联网,更懂广州!

 

另外,如果配合粤语急口令嚟练习,效果一定会更加好!啱开始练习不必要求快速,读得慢而准就得了!希望有一日,你都可以同DJ肥光一样,读得又快又准!推荐急口令文段:

我叫韩德能,喺呢条黄巷嘅巷口度,有一只狗,叫黄汗寒狼,话说喺西方有一个叫黄汗寒狼牛牙雅夏虾嘅国家,佢哋养狗嘅饲料同我哋唔同,佢哋用寒光惯关出产嘅旱巷糠来饲养狗只嘅,所以啲狗特别强壮,好多人都慕名来选购狗粮,其中以押黑乞国、很肯国、新身生国、突特国、能单藤国,或华滑国、深竺宿学恶确国、等灯灯等国、寒室色塞国过嚟买嘅人最多,而我头先所讲嘅黄汗寒狼就系呢个国家出产架喇! 

 

 

“港东话”唔准,净系因为口音问题?-羊城网——懂互联网,更懂广州!

 

粤语里面,有21种土话方言。

无论你系边一种口音,

我都希望你唔系“懒音”!