以下系本人同外地朋友嘅聊天记录
为什么你们广东人这么喜欢讲粗口？ 谁经常讲粗口？我有吗？
你不是经常说仆街吗？ 你觉得仆街是粗口？那你觉得“草泥马”是粗口吗？
草泥马……不算吧，就是谐音而已。
哦…谐音不算…那我就Delay no more了！
”
面对呢位朋友，
我只有三个字：
摺埋啦！
（收皮啦）
其实唔止我呢位朋友，
包括好多广东人在内，
都会有一种“闹人=粗口”嘅思想。
闹人=粗口？我真系唔认同咯！
可能系某啲人嘅心理承受能力略低，
自己畀人闹，就会觉得嗰啲话系粗口啩。
以“仆街”为例，
香港广播管理局早喺十几年前就列举出一系列
“不能在电视、广播传播的词汇”（即系粗口）
而“仆街”并不在列！
亦即系话，连香港广播管理局呢个政府机构
都唔认为“仆街”系粗口，
所以我哋睇到《巨轮》里面，
吴岱融嘅台词出现咗“仆街”
（TVB唔少剧，都会听到“仆街”）
如果你依然接受唔到，
OK，冇问题，我用谐音咯！
A：“科目一我炒咗三次先合格，好当黑啊！”
B：“好正常啫，你用开‘荷兰银行支票’嘅，三次算好啦！”
D：“又睇戏，你可唔可以有啲新意啊！成个‘荷兰月亮’咁！”
F：“你咪成盏‘荷兰风扇’咁，成日吹住我啦！”
唔钟意“荷兰”（好撚）？
就你咯，澳门啱唔啱？
G：“横掂你都出街啫，顺手帮我买买叉鸡饭啦！”
H：“识着你呢啲‘澳门朋友’真系有福气！”
J：“咪啦，次次搵亲我都肯定有啲‘澳门海难’嘅，你搵第个！”
如果你连谐音都接受唔到，
咁我真系得返一句话同你讲！
L：“不如你改名叫‘霍景耀’啦！”
咁多位自己友，
你觉得“仆街”系唔系粗口？
我都想听下你哋嘅睇法！
最新评论