广东人有句话,叫“唔怕生坏命,最怕改坏名”

一个人嘅名如果改得唔好,或者有搞笑谐音,可能会令佢被人笑足一世,而如果一个城市嘅地标、建筑等改坏名,咁就真系可能笑大人个口。

盏搞一场「广州塌

唔怕生坏命,最怕广州专家起坏名

作为广州耗资超过二十亿嘅新地标,广州塔一直系凝聚广州人嘅中坚力量,遥记得当年佢个名一公布,立刻引起一大半广州人高度团结,大家嘅反应空前一致:

 

唔怕生坏命,最怕广州专家起坏名

 

首先等我哋回顾下当年一波三折嘅命名过程。

第一波:落成前,官方命名为广州电视观光塔

 

第二波:09年,官方发起为新电视塔征名活动,活动受到18万个应征名,经过专家评审同公众投票,最终“海心塔”摘得桂冠。但“海心塔”被质疑与实际坐标不符,因为该塔并非位于海心沙岛,而座落海珠区赤岗街道艺洲。

唔怕生坏命,最怕广州专家起坏名

第三波,所属集团再邀请六所大学和专业机构,开展新一轮起名活动,得出前三甲为:珠水云天”、“广州塔”、“粤海云珠

最后令所有人跌晒眼镜嘅系,新电视塔最终得名“广州塔”,而非此前社科院调查中大部分市民喜爱的“粤海云天”。

 

当时官方畀出嘅解释:

把“广州”二字作为新电视塔名称的主要元素,符合常规的命名思维和认识习惯。“广州塔” 一名未必最好,但肯定是一个最中性客观,最容易被大多数人所接受的名字。

当时大洋网嘅调查显示,“广州塔”一名公布后,超过六成人(62.4%)表示冇创意,唔中意“广州塔”,只有唔到三成人(28.9%)表示认可。

有网友将“广州塔”戏谑为“广州塌”,痛斥呢个名既平庸又唔好意头,又有网友恶搞话“应该把白云山改称广州山,同时把珠江河改名广东河”。

一碌“扭纹柴”,万个创意名,最后不如一个“广州塌”。

唔怕生坏命,最怕广州专家起坏名

其实,广州地标塔叫“广州塔”,呢件事本身无可厚非。

但此前大肆宣传举办塔名征集活动,以广州新中心地标自居经过将近一年搞作,最终竟然以一个平庸又保守嘅名称收场,难免令人觉得虎头蛇尾。

勉强冇幸福「广州完

唔怕生坏命,最怕广州专家起坏名

广州圆大厦,坊间人称“铜钱大厦”、“土豪圆”、“方圆大楼”。

讲到广州圆大厦,佢系广州建筑界嘅一个传奇领军者。凭其同“广州完”同音嘅名称,一直喺广州人中口口相传,享负盛名。

唔怕生坏命,最怕广州专家起坏名

此大厦于建成时期,就受到广州人嘅殷切关注,建成之后,更以其无比前卫嘅设计理念,高大圆润嘅身躯、夺目耀眼嘅金色光芒几度入选网民评选嘅最丑/最奇葩/最奇怪建筑,成绩骄人,远超同期建筑。

唔怕生坏命,最怕广州专家起坏名

对于大厦取得这样可喜可贺嘅成绩,经营者从不自满骄傲,反而喺词条页面写下谦恭有礼嘅自赞词:

唔怕生坏命,最怕广州专家起坏名

业主单位一名负责人表示,命名是经过规划和建筑专家评审所得,里面能体现的是“开放广州的东西”

不管怎么样,在那个乱七八糟的工业区,高架路横飞,这还是一个不错的选择。“广州圆”为这个地方建立了一种视觉秩序,也是一个很亮丽的风景。

唔怕生坏命,最怕广州专家起坏名

我每次经过白鹅潭,都不由自主仰望广州圆大厦,对此等鬼斧神工嘅设计、谦恭有礼嘅介绍词、闪盲我只眼嘅金色,我为我有限嘅艺术鉴赏能力而心生忏悔……

唔怕生坏命,最怕广州专家起坏名

我:……呸!

匪夷所思「珠水流光

唔怕生坏命,最怕广州专家起坏名

有了这一湾珠江水,才有了生机勃勃的广州城。少了两岸的流光溢彩,这个南国之都大概“要多闷有多闷”。

以上系羊城新八景之一嘅「珠水流光」嘅介绍文字,当年新羊城八景出台,当年排第二个「珠水流光」一跃超越其余七景,成为讨论度最高嘅话题。

个中原因,除咗系因为我哋对珠江水嘅深厚感情,仲有对名称创意嘅佩服同钦敬!

唔怕生坏命,最怕广州专家起坏名

「珠水流光」,无论粤语普通话都可以解读成另一种意思——将珠江水流光

 

广州因水而生,广州人以水为财,一个公众化嘅景点名称,竟然可以谂到一个360度全死角嘅名。

 

真系大吉利市

唔怕生坏命,最怕广州专家起坏名

妖!「猪×机场」你搞乜鬼

唔怕生坏命,最怕广州专家起坏名

仲记得旧年年尾,一条新闻令到我朋友圈叕炸咗——佛山新机场可能被命名为“珠西机场”

只要你系一个地道粤语区长大嘅人,一用粤语读呢个名,你就即可明白咩事!“珠西机场”四个字,其中嘅创意同勇气,实在旷古烁今,空前绝后。

唔怕生坏命,最怕广州专家起坏名

消息一出,当年评论区嘅精彩程度,完全不亚于琴晚落暴雨P图嘅朋友圈——

唔怕生坏命,最怕广州专家起坏名
唔怕生坏命,最怕广州专家起坏名
唔怕生坏命,最怕广州专家起坏名

唔怕生坏命,最怕广州专家起坏名

虽然后来规划局有出嚟澄清,一切暂时系初步规划,机场选址和定位系比较复杂,仲要经过一系列论证和协调,所以机场未必就命名为珠西机场。

但无论如何,“珠西机场”四个字都喺我哋心中留下不可磨灭嘅阴影,并成为一个永恒嘅话(笑)

在此心痛一下佛山人,万一可能或者有一日,你搭公交去机场真系会听到——下一站,珠(猪)西(X)机场

唔怕生坏命,最怕广州专家起坏名

大家元吊诡摩天轮

唔怕生坏命,最怕广州专家起坏名

如果唔系有自己友介绍,我都唔知清远有个摩天轮,叫大家元摩天轮,资料上讲系目前国内最大嘅屋顶摩天轮,有望成为清远新地标。

大家元,读下读下都觉得好似系“大家一齐玩完”,咁上去玩过嘅人嘅心理阴影面积有几大呢!

 

最后

或者有人会觉得,起名不过系小事,意头好唔好纯属个人想法,冇必要执着较真。

诚然,命名一事,不涉及群众生命财产安全和切身利益,但既然自称系地标、景点,代表嘅必然系地方形象。

 

改名系咪都应该有一定内涵同底蕴,同时尊重一下地方人文文化,如果草率起名或者不求创新、只求无过,最后可能只会贻笑大方,成为大家口中嘅笑料。

唔怕生坏命,最怕广州专家起坏名

最后引用广州塔命名公布时一位网友嘅留言:

一个投资达22亿元的公共建筑却在命名的小环节上不能做到依法行政或尽善尽美,终归是一个不大也不小的遗憾,而这种遗憾不仅属于我个人,甚至也不仅只属于广州。

各位自己友,

对此你又有咩睇法?

你又见过类似草率改名嘅建筑?

唔怕生坏命,最怕广州专家起坏名