粤语有好多词语源自古汉语，「得闲」只系其中一个——如果你高考写作文嗰阵写咗得闲两个字，其实得唔得呢？
最怕嘅可能反而系遇到土生土长嘅广州老师，认为你写「得闲」系粤语，扣分！好似唐伯虎写嘅呢句「他得驱驰我得闲」，意境系几咁豁达潇洒，就怕你嘅高考作文「唔得闲」去解释「得闲」。
但翻查一些古籍数据，发现「得闲」古已有之，以下是一些例证：
《晏子春秋》：异日朝，得闲而入邑，致车一乘而后止。
《楚辞‧山鬼》：怨公子兮怅忘归，君思我兮不得闲。
《黄帝内经‧本病论》：天岁早晚，余以知之，愿闻地数，可得闲乎？
《韩愈‧东都遇春》：得闲无所作，贵欲辞视听。
《西游记》：说你与他做了徒弟，今日怎么得闲到此？
《红楼梦》：要是有人有事就罢，得闲呢就回，看怎么说。
《儒林外史》：蘧公孙一连陪伴了十多日，并不得闲。
《现代汉语词典》亦都有收录「得闲」呢个词，例句系「得闲时请来我家做客」。
广州人口中，关于得闲嘅金句都唔少：
其中，讲得最多嘅就系「得闲饮茶」。
当你遇到一个不常见面的人，一向互有帮忙之类，表示答谢之余又不想真的答谢（如请吃饭），你就可以用上这句“得闲饮茶”。字面意思虽然是邀请对方有空的时候一起喝茶吃吃点心，但其实广州人都理解，你说“得闲饮茶”，那意思更贴近“谢谢咯，拜拜”。
从前，「得闲饮茶」嘅原因，可能系偶然喺街度撞见旧朋友，点点头闲聊两句后，搵唔到一个告别嘅理由，就会讲「我好忙，得闲饮茶」——虽然，你可能连对方嘅电话都冇。
每个人都很忙，或者话，大家返工咁忙，连瞓觉都唔得闲又点会「得闲饮茶」？其实「得闲饮茶」系我哋口中成日挂住嘅一句俚语，或者话，一句地道嘅「废话」。
现代人生活各有各忙，未必可以每一个识得嘅人都保持联络、经常见面……但系点解连一句「得闲饮茶」都唔可以实现？
唔通，我哋真系「忙」到永远「唔得闲」？
自己友Tee「为食人生」系列
预售期间每件99元
最新评论