要学识一种语言,首先一定系学识点样讲粗口,尤其是系广东话嘅粗口。以「门」为部首嘅广东话粗口,组合同应用称得上系千变万化,而且讲粗口要睇场合,打麻雀就啱X晒。香港有间设计公司 Studio Sorry,将粗口文化最博大精深嘅粤语粗口,设计成一款麻雀table game 嗱喳麻雀。

根据Studio Sorry嘅短片所讲,呢副咁别出心裁嘅麻雀一共有105只,其中64只系颜色粗口字牌,好似「尸口巾」、「门西」(拆开晒啲字,但你都应该睇得明)同「老母」等(唔好问点解「老母」系粗口),35只白色普通字牌,仲有2只百搭牌。

 

玩法同一般麻雀类似,一开始都系翻转晒啲牌嚟洗,每人攞13只。每次出牌都要「言之成理」,运用你粗口知识砌成一句顺口合理嘅组口。第一次出牌一定要出5只,亦可以用台面现成嘅牌拆出嚟砌成新一句,出唔到就要摸牌,最快出晒手头上所有牌就完场,每完一铺之后就按剩低嘅牌去计分,最低分就系赢家。

 

睇完之后,有冇人同我一样好像买返副嚟玩?!


自己友Tee「为食人生」系列

唯有认真对待「食」,才不负努力拼搏的人生。

当麻雀遇上粤语粗口,呢副牌连赌神都唔淡定嘞!-羊城网——互联网+粤文化