摘要:從2015年開始,我哋就開始透過粵語利是封傳播粵文化,到今年已經係第三年嘞。每年我哋都會絞盡腦汁咁改進利是封嘅設計、材質、包裝、互動形式,但冇變嘅就係我哋嘅初心……

從2015年開始,我哋就開始透過粵語利是封傳播粵文化,到今年已經係第三年嘞。每年我哋都會絞盡腦汁咁改進利是封嘅設計、材質、包裝、互動形式,但冇變嘅就係我哋嘅初心……

 

△本视频由广大量宥文化传媒有限公司拍摄制作

 

當有人問我哋,點證明到你哋係廣州人啊?我哋會話,因为我哋識講廣州話囉!

學講嘢嘅時候,阿媽教我哋唱嘅第一首歌就係廣府童謠《落雨大水浸街》;買咗部電視機,睇嘅第一套卡通片就係TVB林保全粵語配音版嘅《叮噹》;返學讀書之後,老師教我哋用粵語朗誦唐詩宋詞,佢話咁樣先最押韻鏗鏘;喺中午嘅時候,最鐘意就係開收音機,聽住張悅楷嘅《楊家將》嚟食飯……

一班廣州仔女為自己嘅母語,做咗件好玩又有意義嘅事……

但慢慢大個咗,先發覺廣州已經變得越嚟越少人講廣州話……

返到公司,同啲客戶開會唔講得粵語;出去食飯,啲服務員好多唔識講粵語;打開電視,喜羊羊同光頭強唔講粵語;但最得人驚,係連好多土生土長嘅廣州細路仔都已經唔鐘意講粵語,甚至唔識講粵語……

 一班廣州仔女為自己嘅母語,做咗件好玩又有意義嘅事……

 

我哋會唔會系最後一代識得講粵語嘅人?粵語又會唔會最終變成咗放喺博物館嘅文化遺產?

我哋唔願意停留喺緬懷之中,所以決定身體力行,為粵語文化嘅延續覓出新生機。

一班廣州仔女為自己嘅母語,做咗件好玩又有意義嘅事……

我哋通過創意設計同網絡技術嘅結合,創作粵語利是封,透過新年派利是嘅習俗,向年輕一代嘅廣府人傳遞祝福傳播文化。我哋期待,每一個廣府人都可以藉助與粵語利是封嘅交流互動,成為嶺南文化嘅活字典,隨著生活嘅流動將粵語文化傳播到任何角落……

 

 

廣古封

一班廣州仔女為自己嘅母語,做咗件好玩又有意義嘅事……

2017年版全新設計嘅廣古封以六個吉利風趣嘅粵語俚語作為主題,每盒包含六款,每款六個,放入百元大鈔而無需折疊,大方得體。

 

一班廣州仔女為自己嘅母語,做咗件好玩又有意義嘅事……

利事豐

一班廣州仔女為自己嘅母語,做咗件好玩又有意義嘅事……

2017年版全新包裝嘅利事豐包含健康、家庭、財運、事業、感情六大祝福主題,每盒包含六款,每款六個,手繪年畫風格與押韻粵語對聯相得益彰。

一班廣州仔女為自己嘅母語,做咗件好玩又有意義嘅事……

同時我哋亦為廣古封同利事豐設計咗手機粵語遊戲《估畫粵語》,微信掃描背面二維碼即可同親戚朋友一齊挑戰,為今年拜年增添更多樂趣。