摘要:我识粤语,但依然忽略咗好多笑点……

仲记得我哋之前写过一期唔识呢个谐音,你将会错过《皆大欢喜》80%笑点,《皆大欢喜》承包咗大量嘅粤语谐音。

 

而今日,我哋就讲下星爷电影之中嘅粤语梗,无论识或唔识粤语嘅人,都可能忽略咗以下笑点。

唔知呢啲粤语梗,等于白睇周星驰电影

钦敬

出自《鹿鼎记之神龙教》

唔知呢啲粤语梗,等于白睇周星驰电影

,多隆对韦小宝擦鞋:小人对你嘅钦敬有如滔滔江水连绵不绝……”,韦小宝顶唔顺叫佢唔好成日对住自己钦敬!

【隐藏梗】

粤语中,钦敬同男性(不可描述)部位同音,所以韦小宝先咁抗拒。

小李老母飞刀

出自《唐伯虎点秋香》

唔知呢啲粤语梗,等于白睇周星驰电影

武林兵器排行榜,小李飞刀系第四位,唐家霸王枪第三位,书生夺命剑第二位,唐伯虎问佢娘亲第一位系边个,娘亲答系小李飞刀嘅娘亲。

唐伯虎脱口而出一句——“原来系小李老母飞刀!”

【隐藏梗】

“小李老母”=“小你老母”,喺粤语之中系一句问候对方母亲嘅粗口。

朱茜

出自《唐伯虎点秋香》

唔知呢啲粤语梗,等于白睇周星驰电影

当年唐伯虎阿爹同书生夺命剑决斗,唐伯虎娘亲搞搞震冇帮衬,一次又一次玩咗自己老公。唐伯虎阿爹忍无可忍闹人:“小喇叭,朱茜你系咪玩嘢!”

【隐藏梗】

小喇叭同样系问候对方娘亲嘅粗口,而唐伯虎娘亲个名叫朱茜,同样系“猪閪”嘅谐音,指猪嘅(不可描述)部位。

含笑半步钉

出自《唐伯虎点秋香》

唔知呢啲粤语梗,等于白睇周星驰电影

“一日冚包散”与“含笑半步钉”分别系唐伯虎同华夫人嘅独门毒药,服用者都会喺短期内毙命。

【隐藏梗】

好多字幕都写成“含笑半步癫”,但粤语版星爷讲嘅系“含笑半步钉”,“钉”系粤语中有死亡嘅意思,更贴切毒药嘅效果。

对穿肠

出自《唐伯虎点秋香》

唔知呢啲粤语梗,等于白睇周星驰电影

对穿肠系七省文状元兼宁王参谋将军,人称对王之王,但同华安(唐伯虎)对联比试中被怼得口吐鲜血。

【隐藏梗】

对穿肠嘅谐音就系“怼穿墙”,而有老司机会认为,佢深层意思系某个(不可描述)部位犀利到可以怼穿墙。

类似嘅仲有著名人名“吴好缇”“吴广得”,出自《九品芝麻官》。

唔知呢啲粤语梗,等于白睇周星驰电影
唔知呢啲粤语梗,等于白睇周星驰电影

而对穿肠同华安嘅对联,至今仍然觉得好经典,每一句都“暗藏玄(cu)机(kou)”——

冚家铲泥齐种树,

汝家池塘多鲛鱼,

鱼肥果熟嫲捻饭,

你老母兮亲下厨。

五条烟

出自《赌侠》

唔知呢啲粤语梗,等于白睇周星驰电影

赌圣第一次见赌侠,刘德华饰演嘅赌侠用刀切出四个A,代表四张A,然后星爷直接从达叔袋入边攞出五支烟。

【隐藏梗】

“烟”系粤语之中又指纸牌A,“五条烟”其实就系五张A嘅意思,咁样串赌侠,说明赌圣真系好细路仔。

磨豆腐

出自《大话西游之大圣娶亲》

唔知呢啲粤语梗,等于白睇周星驰电影

《大话西游》结尾,两个豆腐西施辛苦买豆腐赚钱供相公上京赶考,吴孟达饰演嘅相公最后衣锦还乡,安慰两位娘子:“辛苦娘子磨豆腐!”

【隐藏梗】

磨豆腐……(画面太不可描述,你自己查啦!)

阿诺猪华·生力啤

出自《家有喜事》

唔知呢啲粤语梗,等于白睇周星驰电影

常欢为追回真爱何里玉,使出杀手锏cosplay《终结者2》主角经典嘅机车造型,最后成功抱得美人归。

【隐藏梗】

阿诺德·施瓦辛格嘅港译名系“阿诺舒华·辛力加”,为增加喜剧元素,周星驰两次讲错佢个名,故意讲成“阿诺猪华·生力啤”!

唔似猫,唔似狗

出自《新精武门》

唔知呢啲粤语梗,等于白睇周星驰电影
唔知呢啲粤语梗,等于白睇周星驰电影

钟镇涛喺酒楼推点心车嘅时候,hea住做嘢,口入边讲紧:“唔似猫、唔似狗、师奶淫得很”,后来推肠粉车,一直讲“想瞓”。

【隐藏梗】

头三个一一对应点心车上个“鱼翅包、鱼翅饺、鲜虾银针粉”,“想瞓”就系“肠粉”嘅粤语谐音。

圣育强中学

出自《逃学威龙》

唔知呢啲粤语梗,等于白睇周星驰电影

《逃学威龙》之中,周星星潜入一间学校做卧底查案,呢间学校就叫做“圣育强中学”。

【隐藏梗】

粤语中,“圣育强”=“xing欲强”,香港搞笑电影之中好常见,喺《超级学校霸王》 、《猛男滚死队》 均出现过。

比起《皆大欢喜》,星爷电影之中嘅粤语梗就更加多元化同无厘头,识嘅人会瞬间秒懂,会心一笑,唔识嘅就真睇完都蒙查查。

每次重温星爷嘅电影,总会发现一啲之前忽略嘅笑点,呢个就系星爷嘅搞笑功力!

唔知呢啲粤语梗,等于白睇周星驰电影

想一齐睇片?

↓快啲扫下呢个二维码↓

唔知呢啲粤语梗,等于白睇周星驰电影

各位自己友,

你知道周星驰电影之中,

仲有咩经典粤语梗?

素材出自知乎、百度贴吧等

羊城网负责整理编辑

唔知呢啲粤语梗,等于白睇周星驰电影