今日28号，传说中嘅

【女性专用车厢】

今日正式开始试行

呢几个问题，大家一定会关注：

1，女性车厢会唔会好逼？

2，有冇麻甩佬无视标识，直接铲入女性车厢？

3，女性车厢对预防“咸猪手”究竟有冇作用？

为咗畀大家睇到一个客观嘅事实，

羊城网都派出阿爆、小沅子实地考察！

 女性车厢会唔会好逼？ 

由于试行线路系一号线…

所以…逼极有限咯。

到时3号线唔知点算…

 麻甩佬直接铲入女性车厢？ 

可能系试行第一日，

所以都有唔少男士懵盛盛入咗女性车厢。

而阿爆当然都入咗女性车厢！

睇下阿爆有咩感受。

阿爆：入到去有啲怪怪哋嘅感觉，不过都几好feel，个个女仔都望我，呢世仔都未试过！严肃啲讲，如果男人唔要面嘅话，真系可以喺女性车厢一路搭……

确实，今日有唔少男士错入女性车厢，

唔系佢哋无耻，而系车厢门口嘅标识唔够显眼！

为咗帮广州地铁解决呢个问题，

羊城网免费帮地铁整咗一套标识，

包有用！冇用唔收钱！

采用之后再有麻甩佬入女性车厢，

我哋成公司帮你哋挽鞋！

 预防“地铁咸猪手”？ 

同小沅子讨论呢个问题嘅时候，

阿咩突如其来一个电话：

阿爆啊，你哋如果搵唔到咩猛料，就唔使返公司了！

……

阿爆心里面，

忽然好想打拳！

不过工作就系工作，

无奈之下，阿爆唯有同小沅子讲：

不如我麻甩下你，你嗌，我走佬，咁大家都可以交差啦！

小沅子被阿爆嘅厚颜无耻激嬲，

当场嚟一招【大圣劈卦】……

如果你呢两日想搵阿爆

可能有啲难，佢入咗院…