今朝同老窦去饮茶，

隔离枱坐住5男5女，

个个面上都略带尴尬，

如果冇估错，

佢哋应该系嚟DL嘅！

（DL：double look 相睇）

只不过，一听佢哋自我介绍

我先发现，原来呢班后生唔简单！

佢哋10个人，一男一女隔开坐，

自我介绍都系一男一女咁介绍。

（以下为真实对话）

男1：大家好，我系「一德路小李飞刀」，多多指教。

（唔系古惑仔聚会吖嘛？）

女2：我系「三元里烈女」！

（睇嚟真系古惑仔聚会！）

男3：大家好，我系「中山八暴风女神」！

（哇！古惑仔变X-Man啊？）

女4：hello，我系「东风路容易受伤的女人」！

（点解啲画风突然变咗嘅？又变成情感讲座啊？）

男5：大家好大家好，「白云区捕风的汉子」

（究竟咩来头？）

女6：咁多位大家好，我系「东圃一个人睡」！

（忽然好想报警…）

男7：各位多多指教，「石牌桥越吻越伤心」。

（阿爸，食快两啖啦，埋单走人啦！此地不宜久留！）

女8：大家好啊！我叫「文明路下一站天后」！

（我以后唔会再去文明路了！）

男9：hello，「环市东少女的祈祷」！

（咁唔要面嘎！我都唔好意思咁话）

女10：「大沙头饿狼传说」，承让承让！

（部长，埋个单咁耐嘎！）

依家啲后生真系…

睇来，我真老了！