最近吖鸭发现一件事

行喺街度听到身边啲细路仔嘈交

来来去去居然都系用“草泥马”之类嘅

觉得佢哋嘅嘈交方式实在太过无聊

唔再可以好似我哋以前咁有咁多花臣嘢搞

✎花臣：英文Fashion演变而成，即系“新招数、新花款、新电子”嘅意思。

所以专登写咗呢篇文章

想话畀佢哋知，我哋以前嘈交

就算唔用粗口都可以Battle到出神入化

唔知你哋仲记唔记得

读书嘅时候日日同你嘈交嘅嗰个同学仔？

虽然嘈交过程之中

冇乜必然嘅逻辑关系

但系我哋都超级乐在其中

唔知下面嘅呢几个场景

你哋仲记得几多？

初级嘈交篇

三字经&四字经

唔知大家有冇印象

“反弹、闸住、冇回头”

系续“老师嚟啦”之后嘅又一大撒手锏

只要使出呢一招

无论之前嘅战绩有冇处于下风

都可以即刻令到对手收声

绝对系嘈交斗嘴嘅必备良药

中级嘈交篇

出口成歌

使用呢招系为咗

令到对方跟住自己走

从而唔记得啱先嘈紧交

而如果唱嘅歌对方未反应过嚟

又可以阻赫到对方从而获取优胜

所以阿咩，成功用年龄差碾压吖鸭

皆因首歌吖鸭从未听过

高级嘈交篇

灵活运用台词功底

此路数可以考验到底对方有冇成日睇电视之余

仲可以考验一下记忆同反应

如果对方系返屋企就做作业嘅学霸

佢一定唔知你喺度嗡紧乜

可以撕碎学霸虚伪嘅外表

仲可能可以睇到佢出现以下呢个表情：

唔知上面嘅嘈交方式

有冇令你谂起你嘅同学仔呢？

细个嘈交确实好冇逻辑

不过我哋为咗嘈交真系认真过考试

唔知各位自己友

细个嘈交通常会讲乜？

有冇讲过一句惊世金句

令到全班同学崇拜过？

欢迎留言同我哋分享你幼稚又可爱嘅嘈交经历