笑崩牙，边个睇数

冇相干，玩得至好

认真搞嘢冇乜谱

……

仲记得小学鸡嗰阵，每晚都准时睇《都市笑口组》！刘汗、金桔、李富贵“笑口组铁三角”简直系我嘅童年偶像！

虽然我一直都好顶唔顺个背景板，但系《笑口组》胜在有一班出色嘅演员！无论边个都可乸型可麻甩，可细路可老坑！演技冇得弹！

今日就同大家简单介绍下阿咩最钟意嘅三位主演：

刘汗、金桔、李富贵

真名：刘云明

演艺经历：《喜气洋洋猪八戒》、《七十二家房客6-10季》、《笑口组主题曲“笑崩牙”乐坛》、《乘龙怪婿1~4》、《放学我当家1》、《放学我当家2》、《跟红顶白大三元》《家大欢喜》第二季、《放学我当家3-5季》、《同居男女》、《蔡李佛拳2010》、《东成西就2011》、《桌桌有娱》

刘汗大学学嘅系播音主持，毕业后刘汗最初做嘅系健身教练，后来入咗南方电视台，主持过《食指大动》、《霓裳丽影》、《我爱返寻味》、《亚运冲锋号》、《为爱向前冲》、《城事特搜》等节目。

唔好以为刘汗肥肥大大咁，做过健身教练嘅佢，操Fit之后型到你唔信！

PS：下图冇P过刘汗嘅身形！

睇下刘汗嘅搞笑造型！

真名：胡向真

演艺经历：《都市笑口组》饰金桔、《我爱返寻味》、《粤夜粤娱乐》主持人、《全城热恋》、《现场直博》主持、《奋勇争先娱乐圈》主持、电视剧 《暖男老爸喜洋洋》饰吴温柔

声音清脆、性格爽朗、主持风格明快，好受听众喜爱，被大家称为“小珍珠”。主持嘅《飞星国际》除咗延续《飞星传真》嘅轻松、幽默外，更加入成熟、睿智元素，令节目更具可听性。笑口组里面嘅金桔，成日都要自毁形象，但系现实里面，金桔系一个靓到爆镜嘅大美女！

阿咩依家都好钟意睇《粤夜粤娱乐》！

金桔嘅演技真系好好！

真名：张鹏

演艺经历：《都市笑口组》饰演 李富贵、《乘龙怪婿》饰演武德训、《七十二家房客》饰演蔡广财（西洋蔡）、《笑公堂》等。

唔讲唔知，原来富贵出生于医生世家，喺广州畀人叫做“医术最好嘅演员”！大学毕业后富贵一直喺医院工作，同时都喺电台兼职，主持《美食情报》。后来加入《都市笑口组》仲辞去收入稳定嘅医院工作。

原来富贵喺《笑口组》里面系出名嘅“拼命三郎”！唔单止拍戏够搏，就连运动都好搏！无论足球、篮球定羽毛球，只要一上场，富贵就会好搏命好认真！难怪富贵做得越嚟越好！

富贵嘅幽默真系挡唔住！

金桔曾经讲过：“刘汗、富贵先叫搞笑，佢哋系我嘅催化剂，我一个人搞笑唔到。”

其实唔止刘汗、金桔、富贵，

《都市笑口组》里面仲有好多出色嘅演员：

砂糖桔|刘珂

九两金|刘亮

你有冇《都市笑口组》嘅回忆？

如果有，

希望你哋可以喺留言区同阿咩分享。

综合自新浪微博、百度百科

由羊城网整理编辑

潮流同温度都要HOLD住

Unibott经典款持久保温瓶

简约设计，多种颜色

限量抢购！