摘要:时代太快,有人一夜成名,有人瞬间陨落。

电影《笑傲江湖之东方不败》中,任我行曾经对令狐冲讲过:“有人嘅地方就有恩怨,有恩怨嘅地方就有江湖。”

广州呢个江湖,隐藏住几多市井传奇?-羊城网——懂互联网,更懂广州!

而江湖,必然会有传说

喺广州呢一个包容性特别强嘅城市之中,又存在紧/存在过咩都市传说同传奇人物?

风筒辉

广州呢个江湖,隐藏住几多市井传奇?-羊城网——懂互联网,更懂广州!

有人话过, 当你试过风筒辉嘅烧烤,你嘅一切味觉会发生改变,从此再睇唔上其他烧烤档。

风筒辉(原名黄耀辉)系广州烧烤档传奇人物,90年代开始佢就凭一个红色风筒走天下,只选用新鲜食材,特制酱汁,用风筒精准把握火候,令到出品别具风味。

广州呢个江湖,隐藏住几多市井传奇?-羊城网——懂互联网,更懂广州!

▲连壳烧生蚝,保留原汁原味

广州呢个江湖,隐藏住几多市井传奇?-羊城网——懂互联网,更懂广州!

▲香葱大肠头,甜而不腻,令人回味

一开始,风筒辉从走鬼档做起,一炮而红之后食客就络绎不绝,曾经因生意太火爆扰民而被投诉。

后来风筒辉转而同酒楼合作,驻场专做宵夜档。合作嘅店家换咗一间又一间,就算一直转场都依然阻挡唔住食客嘅热情,好多长情食客坚持一次次提前预约,上门帮衬。

广州呢个江湖,隐藏住几多市井传奇?-羊城网——懂互联网,更懂广州!

除咗系因为风筒辉食物出品一流,可能仲系因为佢系一个地地道道嘅豪爽老广,冇架子,接地气,一心一意做烧烤同交朋友。

广州呢个江湖,隐藏住几多市井传奇?-羊城网——懂互联网,更懂广州!

▲风筒辉经常同食客开怀畅饮

一个风筒辉红咗之后,就出现咗好多假冒“风筒辉”。但我相信识食嘅人都有分辨力,都会知道咩先系最质朴又最讲究嘅烧烤。

炒螺明

广州呢个江湖,隐藏住几多市井传奇?-羊城网——懂互联网,更懂广州!

提到广州传奇,必然会提到身穿女装造型,买螺送咸水歌嘅炒螺明。(以前文章介绍过,睇过嘅自己友可以跳过呢部分)

80年代开始炒螺明就喺沿江路一带大排档卖炒螺,由于生意唔好做,佢就开始着女装,模仿偶像梅艳芳唱歌嚟卖螺,喺广州宵夜界崭露头角。

后来佢将流行曲改编为咸水歌、粗口歌,歌词露骨粗俗,加上搔首弄姿嘅表演,听众个个笑到肚疼,从此一发不可收拾,吸引咗一批忠实粉丝。

广州呢个江湖,隐藏住几多市井传奇?-羊城网——懂互联网,更懂广州!

打出名堂之后,炒螺明迎来佢嘅鼎盛时期,获得《叮王争霸》亚军,喺南方剧院演出,上香港电视节目……

广州呢个江湖,隐藏住几多市井传奇?-羊城网——懂互联网,更懂广州!

出名之后,炒螺明嘅亲人嫌弃佢嘅行为,个个都远离佢,就连亲生女都唔想认佢。

呢几年,炒螺明沉寂咗,有时候会听到佢嘅新闻,有时话佢遇意外死亡,有时系佢饮醉酒惹事生非。

广州呢个江湖,隐藏住几多市井传奇?-羊城网——懂互联网,更懂广州!

我哋依然可以从新闻知道,呢个传奇仲活跃喺广州城内。

陵园周大侠

广州呢个江湖,隐藏住几多市井传奇?-羊城网——懂互联网,更懂广州!

两边铲青,头顶顶住凌乱嘅攣毛,零星嘅鬚根,前卫嘅衣着,配上惆怅嘅表情,佢就系人称广州犀利哥”嘅烈士陵园周大侠。

2012年,凭借呢张沧桑唏嘘又带朋克风嘅相,以拾荒为生嘅周大侠一度走红网络,获封广州犀利哥,令到好多人慕名去烈士陵园一带偶遇周大侠。

虽然第一眼睇周大侠好似严肃,但实际上佢非常友善,唔拒绝他人影相邀请,每次望镜头眼睛都炯炯有神,面带笑容,令人感受到温暖。

广州呢个江湖,隐藏住几多市井传奇?-羊城网——懂互联网,更懂广州!
广州呢个江湖,隐藏住几多市井传奇?-羊城网——懂互联网,更懂广州!
广州呢个江湖,隐藏住几多市井传奇?-羊城网——懂互联网,更懂广州!

据说,周大侠系浙江嘉兴人氏,嚟广州多年,原先从事装修行业,后为咗自由生活,而选择拾荒。

喺好多人眼中,拾荒唔算系咩高大上职业,但我喺周大侠嘅眼中,偏偏见到对生活嘅热爱对追求嘅坚定

广州呢个江湖,隐藏住几多市井传奇?-羊城网——懂互联网,更懂广州!

流浪歌手阿龙

广州呢个江湖,隐藏住几多市井传奇?-羊城网——懂互联网,更懂广州!

大约喺2014年9月,一个广州街边残疾流浪歌手嘅视频风靡网络,视频中一个身材消瘦嘅男子卖艺歌唱,唱嘅系《偏偏喜欢你》。

后来,越嚟越多歌唱视频发布,男子声音干净纯洁,感情丰富,初听犹如天籁,因而呢位流浪歌手阿龙走红,被网友形容为秒杀《中国好声音》

送上演唱视频,各位自己友可以感受下↓

 

阿龙喺网络走红,使到佢场场演出都爆满,有人话,阿龙最高日收入已达到2000蚊

随即有网友指出,阿龙其实系对口型假唱,阿龙嘅音频来源于歌手钟明秋。

钟明秋演唱视频↓

 

更有人讲,阿龙走红嘅背后,其实系一场骗局。一个骗子集团故意搵人拍摄,打出残疾歌手博同情,吸引人关注,以此打响名堂,获得利润。

 

一时间,各种阴谋论出现,辱骂讨伐声蜂拥而至,就算阿龙自己有发表声明,亦有粉丝为阿龙发声,但都冇办法扭转舆论,阿龙嘅传奇就此陨落。

 

广州呢个江湖,隐藏住几多市井传奇?-羊城网——懂互联网,更懂广州!

 

近一两年,阿龙几乎销声匿迹,而当年嘅是非曲折、真真假假,我哋都已经冇办法查究。

东山口牛杂肥叔

广州呢个江湖,隐藏住几多市井传奇?-羊城网——懂互联网,更懂广州!

喺东山口庙前直街,有档一开就开咗20年嘅牛杂,几多人从细个帮衬到大个,呢间就系——肥佬牛杂。

老板肥叔原先系东山酒家嘅厨师,下岗之后就出嚟买牛杂,凭借牛杂靓、价钱平,赢得各位街坊学生嘅喜爱,每到营业时间,食客都围到密不透风。

广州呢个江湖,隐藏住几多市井传奇?-羊城网——懂互联网,更懂广州!

喺走鬼档时代,佢仲叫“阿叔牛杂”,后来进店经营先改名为“肥佬牛杂”,不变嘅系牛杂嘅味道同街坊之间嘅情感。

广州呢个江湖,隐藏住几多市井传奇?-羊城网——懂互联网,更懂广州!

由于物价飞涨,肥佬牛杂亦从最初5蚊一盒,到后来升到10蚊,但相对于其他牛杂店嚟讲,真系已经好抵好平。

广州呢个江湖,隐藏住几多市井传奇?-羊城网——懂互联网,更懂广州!

肥佬牛杂,承载住旧时代嘅人情味同回忆,所以先令人念念不忘。

 

希望呢份执着同坚持,可以一直传承落去,我哋以后依然有机会食到正宗嘅肥佬牛杂。

广州呢个江湖,隐藏住几多市井传奇?-羊城网——懂互联网,更懂广州!
广州呢个江湖,隐藏住几多市井传奇?-羊城网——懂互联网,更懂广州!

呢个时代步伐好快,有人可以一夜成名,又有人会瞬间陨落。

传说或者会随时间而被淡忘,但起码总有人记得佢哋曾经存在于呢个城市。

广州呢个江湖,隐藏住几多市井传奇?-羊城网——懂互联网,更懂广州!

最后讲多两句,无论系高官名人,定市井流氓,大家都系搵两餐,为生活,只要唔系偷呃怪骗,大家不妨宽容以待,毕竟都系因为有呢啲都市传说,广州先咁与别不同。

各位自己友,

你哋仲知道咩广州传说?

有咩传奇人物系你最难忘?

素材出自知乎、天涯等

羊城网负责整理编辑

广州呢个江湖,隐藏住几多市井传奇?-羊城网——懂互联网,更懂广州!