早几日广州供电局发布咗一份关于广州未来一周区域停电嘅通知。
▲图片来自微博
如果你咁唔好彩，喺截图入面嘅区域，咁我唯有同你讲声：
而就喺啱先，我哋收到风@广州供电，今次嘅停电系首次悬挂红色错峰执行信号，通知各大用户严格按照执行错峰。本次错峰仅仅系针对部分工业用户，居民用电不受影响。
▲图片来自微博
点解我哋广州人咁惊停电？
仲唔系因为我哋广州人畀广州嘅夏天热到怕咩！
停电嘅广州有几得人惊？
睇下因为琴晚一场忽然而至嘅停电，导致热到我哋嘅QQ嗷嗷叫就知道到底几可怕。（然而公司嘅其他人早就瞓晒，所以冇人理佢）
为咗畀大家清楚咁认识到，到底停电有几可怕，QQ整咗一份佢琴日嘅心路历程畀我哋睇：
同时，为咗令到其他唔清楚广州停电到底有几可怕嘅人可以身同感受，我哋采访咗唔少粉丝，对于广州停电佢哋有咩睇法：
@小敏子：烤完准备清蒸？要唔要加啲孜然？
@molly：你哋有冇睇过份停电通知？佢上面个停电范围到底系唔系畀市民睇噶？边个睇得明？
▲图片来自微博
@姣姣：我可以肯定，喺停电嘅期间，只不过系从干蒸变成湿蒸。
@肥肥：背后的床不是床，是铁板烧。
@阿在：警告！不要说自己家停电，不然会暴露自己住在城中村的事实！
@222：今天的广州停电了，所以看到的都是熟人了！
@kunlin：今天的广州如果继续停电，我会觉得是有人违规使用电锅了。
@小红红：市区是一线城市，郊区是四线城市。
@安豆碧：其实就同冬天撑住唔好打牙震一样，夏天热都同自己讲今日天气只有10度，心静自然凉！
@六神花露水荣誉委员：Sixgod在手，天下我有。
由此可见，停电嘅广州真系好得人惊啊！
唔通以前嘅广州唔停电？
NO,NO,NO，想当年，广州得豆腐膶咁细，“天河城”已经算系郊区嘅地方；想当年，广州人最关心嘅就系“有冇电用”。
遥想当年供电局嘅档案入面写住：上世纪八九十代的时候，广州电网嘅结构好简单，电力唔足嘅时候唯有按照片区轮流拉电停电。
无论你喺市区定郊区，无论系工业用电定家庭用电，一律照停。相信好多90后喺细个嘅时候都试过夜晚黑停电，全家人喺客厅度铺凉席，打地铺。嗰时嘅广州夜晚仲会有丝丝凉风，阿妈就喺隔离攞住把葵扇拨……
▲图片来自网络，版权归作者所有
所以依家嘅广州人其实真系幸福好多。随住广州经济嘅发展，“拉电”已经冇办法再喺电力出现缺口嘅时候提供帮助。
2003年开始，供电局采取咗“错峰用电”嘅做法，令一啲用电大户（主要喺第二产业嘅工厂）喺用电高峰嘅时候自觉减少用电，将有限嘅电力用喺广大市民身上。同时仲采取咗“价格杠杆”，拉开高低峰时期嘅用电价格，鼓励生存企业喺低峰期作业。
停电虽然好焗，但令到我哋嘅童年有唔少乐趣。虽然以前电子产品冇咁发达，但系邻里之间、家人之间嘅交流更加紧密，几时都可以同啲街坊吹水，搬张凳系走廊就可以倾到屋企开饭。
不过，如果真系咁唔好彩喺夏天停电，我哋都准备咗一啲停电嘅正确续命招式。
落街搵商场凉空调
逢亲停电都要搵个商场凉下噶啦，不过去商场有一个坏处，就系有可能你会买一大堆嘢返屋企。
花露水你值得拥有
花露水有几神奇？睇下呢位知乎网友你就知道：
不过对于200斤嘅吖鸭嚟讲实在太唔友好，毕竟面积大，一支可能唔够吹。
一把葵扇在手
火焰山啲火都系铁扇公主把铁扇扇熄嘅，可想而知到底有几清凉啦！
捱到凌晨三点钟
只要捱到凌晨三点，就会有返电噶！咁就唔使热啦，可以开空调凉返两个钟然后神清气爽咁继续返工。
横渡珠江
如果真系顶唔顺，可以试下横渡珠江，只要你顶得顺珠江阵味，经已系一个犀利嘅人！加油！
▲图片来自中新网
支吹快乐肥宅水
夏天，冇嘢系快乐肥宅水解决唔到嘅。如果有，咁就饮多支！
而无论你屋企停电到几点，你嘅老世一定都会记你迟到。
所以，为咗唔好一身汗臭返公司，吖鸭建议你：
每一年嘅夏天，广州人都要经历一次停电，呢个似乎已经成为咗广州人嘅必修课。喺高温之下停电越嚟越难顶，到底系地球暖化越嚟越严重，抑或系人越嚟越唔忍得热？
每一个停电嘅夜晚，我哋虽然会一边吐槽年年攀升嘅温度，广州电网唔稳定，但依然会行出房，放低手机，搬晒啲凉席葵扇出嚟同屋企人一齐，有一句冇一句咁度过一个个停电嘅夜晚。
睇住窗外面偶尔先会见到嘅点点星光，默默期待可以有一场大雨为呢座城市降下温……
喺广州嘅自己友，你哋嘅夏天点过噶？
你屋企最近经历过停电未？
最新评论