有一班人，佢哋唔一定系靓仔，但系佢哋把声我哋都好中意听到。唔系因为佢哋把声好听，而系因为佢哋讲嘅都系我哋星斗市民嘅心声。呢啲最敢发大炮嘅名嘴，边个系你心目中嘅广东最佳？
喺《今日关注》里面，对于社会时事问题，郑达敢怒感言，从来都唔怕得罪权贵，亦都正系咁，呢个节目先令佢嘅形象深入民心。佢嘅真诚、亲和、激情、通俗、幽默、诙谐、犀利都系观众中意佢嘅理由。
郑达语录
“如果我系公安局长，我可以送两个字畀你，丢家、冇料。”——怒斥茂名警方
外号陈SIR，被誉为“平民言论领袖”，点解？陈sir无论喺电台定电视台主持节目，言辞都一样咁犀利、作风都一样咁强硬。但系陈sir本身系一个非常和蔼亲民，热爱广州，试问一个咁样嘅名嘴，市民有乜理由唔中意？
陈扬语录
请韩委员转达我的意见：流溪河、白云山，一山一水，是广州的环境底线，寸土不丢，滴水不漏，无论代价多大，一定要严防死守，不可后退半步！——陈扬微博评论广州流溪河下游取消保护 广州又水浸街了。逢大于必浸，逢浸必大塞车。看来一天一个亿的治水投入严重不足啊，能否考虑增加到每天两个亿试试看？今天早上你还好吗？——陈扬微博讽刺广州治水 陈扬建议韩志鹏委员：“既然停车费疯涨到十六元一小时是以治堵措施的名义实施的，事实已证明一点用处都没有，停车费要降回疯涨前的起点才合理。不能手瓜拗入唔拗出。” ——广州市政府今日听取有关停车场收费的意见和建议
原名彭维纳，南方电视台《今日最新闻》主持人。彭彭评论时事“话风”幽默诙谐，“话锋”耿直尖锐，而且贴近民生，亲近市民，反映民意，理性理智。彭彭嘅“彭彭第N定律”更加系端正咗唔少人嘅三观！
彭彭语录
“食烟，唔饮酒，唔赌钱，偶尔讲粗口，呢个就系我，我就系彭彭。”——彭彭自我介绍
“以前落雨条街水浸，浸嘅系清澈嘅水，浸到个娱乐项目出嚟，我仲可以攞啲家俬出去抹下。大佬，依家浸XXX果啲嘢出嚟，兼且，已经唔再系娱乐项目嚟嘎了。”——彭彭《好友共鸣》中感慨。
同样系《今日最新闻》主持人，兼且系彭彭嘅“最佳拍档”，阿栋用佢沉稳、温柔嘅声线，道出咗市民百姓生活点滴。而阿栋本人更加积极向上，佢喺节目度唔止讲过一次“我坚信广州唔系冷漠嘅城市。”畀咗好多观众一种正能量。
阿栋语录
作为广州市嘅政协委员，韩志鹏被誉为“老百姓的代言人”,韩委员自称“能说人话、肯说真话、敢讲硬话”。仲记得韩委员为咗帮广州百姓争取权益，曾经自带板凳去旁听几个听证会，虽然都系畀人“请出会场”，但系韩委员呢种为民请命嘅精神，值得广州市民畀个good佢！
韩志鹏语录
“流溪河系我哋广州人嘅母亲河，但系从依家开始，我哋唔好再叫流溪河做母亲河，我哋呢啲不肖子孙唔配！”
“听讲曾经有官员表示，喺兼顾治理流溪河嘅同时，仲要有城市发展嘅眼光，我想讲，OK，城市当然要发展，但如果发展系以牺牲环境为代价，NO！”（韩委员当时激动到拍晒枱！！）——韩志鹏怒斥广州流溪河下游取消保护，就是向污染投降！
同样系为老百姓发声，卢俊宇嘅《DV现场》经常曝光社会民生问题。老百姓投诉无门？《DV现场》say no！卢俊宇都say no！为老百姓解决问题，卢俊宇义不容辞，有社会问题即管揾《DV现场》报料！
卢俊宇语录
大家一定知道《马后炮》呢个节目，凭住呢个节目，老马深度评论各种民生问题，2008年亦都获得“全国金话筒奖”！作为一个中年气盛嘅资深愤青，老马虽然唔讲粤语，但系佢经常用犀利嘅言论，令到广东人民觉得，广东系需要老马嘅！
马志海语录
鹏sir做节目嘅风格搞笑、生鬼、幽默、风趣。佢与世无争，亦都玩世严谨，睇鹏sir嘅节目真系开心愉快。仲记得几年前嘅《五年级插班生》，鹏sir嘅风趣传遍粤港澳！依家佢仲同彭彭一齐主持做电台节目《好友共鸣》，两个名嘴，搞到笑到停唔到嘴！
何浩鹏语录
“同岳母住，朝早翻到公司，同事问你食咗早餐未？我话食咗啦，岳母一早煮畀我食。真系仲型过老婆煮畀你食啊！你岳父又开心，‘仔啊，你嚟咗之后真系好，你岳母都啰嗦少好多’！”——好友共鸣
自己友Tee「为食人生」系列
预售期间每件99元
最新评论