如果要用一张图嚟形容广州人嘅母子关系,一定系以下呢张图↓↓↓

 

阿妈真系觉得生旧叉烧好过生我?-羊城网——懂互联网,更懂广州!
图片来源广东道

 

冇错,生旧叉烧好过生你,呢句话算系我哋童年阴影之一,因为我哋会不禁进入一种自我怀疑嘅状态:“唔通生旧叉烧真系好过生我?”

 

广州阿妈同仔女嘅关系,我惗通过以下阿妈金句以及仔女嘅内心OS,就可以明晰!

 

出面冻啊!着多件衫出去啊!

阿妈总系会觉得你冻,无论外面系40度高温,定系酷热警告,佢都系会叫你着多件衫。

阿妈真系觉得生旧叉烧好过生我?-羊城网——懂互联网,更懂广州!

今晚想食咩餸啊!

只要你讲过一次你钟意食番茄炒蛋,无论系你个饭盒,亦话系你返屋企食饭,个“番茄炒蛋”总系会出现系你面前。

阿妈真系觉得生旧叉烧好过生我?-羊城网——懂互联网,更懂广州!

早啲返屋企啊!

每个阿妈总有一个固定嘅时间打电话来催你返屋企,因为你唔返佢根本训唔着!

阿妈真系觉得生旧叉烧好过生我?-羊城网——懂互联网,更懂广州!

唔好咁夜训啊!

阿妈总系唔明白你嘅生物钟,早啲训落床,等佢唔好担心啦!

阿妈真系觉得生旧叉烧好过生我?-羊城网——懂互联网,更懂广州!

唔好饮咁多汽水啊!

可乐系年轻人嘅最爱,不过对身体冇益,次次畀阿妈见到我饮可乐,佢都会叫我唔好饮咁多!

阿妈真系觉得生旧叉烧好过生我?-羊城网——懂互联网,更懂广州!

系时候交家用啦!

只要你发现今晚餐饭冇肉,你就应该醒水交家用啦!

阿妈真系觉得生旧叉烧好过生我?-羊城网——懂互联网,更懂广州!

出去记得唔好惹事啊!

点为止惹事阿妈咪,唔通我无端端搵人打交咩,我生性嘅啦!

阿妈真系觉得生旧叉烧好过生我?-羊城网——懂互联网,更懂广州!

成日咁夜返,群埋晒啲咩人啊!

我班Friend中意夜生活咋妈咪,要维持啲朋友关系,系要多啲聚会嘅啦,我唔会学坏噶,放心啦!

阿妈真系觉得生旧叉烧好过生我?-羊城网——懂互联网,更懂广州!

生性啦仔,正正经经搵份工!

搵工唔难啊,但搵到份自己中意嘅就好难,男怕入错行啊!

阿妈真系觉得生旧叉烧好过生我?-羊城网——懂互联网,更懂广州!

你睇下隔离屋阿黄个仔几叻!好心你学下人哋啦!

永远冇法超越嘅人——隔离屋个仔同亲戚个仔!

阿妈真系觉得生旧叉烧好过生我?-羊城网——懂互联网,更懂广州!

由朝到晚都打机,睇下书啦!

喺屋企,唔打机我都唔知做咩好,你知你个仔唔系啲会睇书嘅人啦。

阿妈真系觉得生旧叉烧好过生我?-羊城网——懂互联网,更懂广州!

今晚返嚟记得饮汤啊!饮多碗汤啦!

阿妈靓汤,每次都记得自动自觉乘以二,唔系都对唔住阿妈煲得咁辛苦。

阿妈真系觉得生旧叉烧好过生我?-羊城网——懂互联网,更懂广州!

 

次次都剩少少,食埋佢啦,唔好嘥

同阿妈食饭,记得做光盘侠,唔食晒唔好放低对筷子。

阿妈真系觉得生旧叉烧好过生我?-羊城网——懂互联网,更懂广州!

食多条菜啦,一日唔食水果!

明知你个仔系食肉兽啦,菜依啲嘢,少少几条够嘅啦。

阿妈真系觉得生旧叉烧好过生我?-羊城网——懂互联网,更懂广州!

几时去冲凉啊!

无论系啱啱返到屋企,定系喺屋企啱啱食完饭,只要晚黑喺屋企畀阿妈见到你,你就要准备冲凉了。

阿妈真系觉得生旧叉烧好过生我?-羊城网——懂互联网,更懂广州!

做嗮啲功课未啊,执下间房啦!

无论你系大学生,定系放紧假嘅学生哥,阿妈总系会担心你做嗮功课未。我间房乱,但系唔邋遢就得啦!

阿妈真系觉得生旧叉烧好过生我?-羊城网——懂互联网,更懂广州!

倾咁耐电话,倾完未啊!

同条女(仔)煲电话粥,阿妈都会吃醋。鬼叫你平时唔多啲陪阿妈倾计咩!

阿妈真系觉得生旧叉烧好过生我?-羊城网——懂互联网,更懂广州!

你舍得起身未啊!

阿妈叫起床嘅功力,系一百万个闹钟都比唔上噶。不过今日放假啊,妈咪。

阿妈真系觉得生旧叉烧好过生我?-羊城网——懂互联网,更懂广州!

第二样嘢唔见你咁叻,驳嘴就最犀利!

妈咪,其实我好多嘢都好犀利噶,得闲你要了解下我喇。

阿妈真系觉得生旧叉烧好过生我?-羊城网——懂互联网,更懂广州!

睇电视唔好哄咁埋啊!

等我赚到钱,买部大啲嘅电视,就唔会哄咁埋噶啦,宜家部咁细,我连C朗同巴尔都分唔清啊。

阿妈真系觉得生旧叉烧好过生我?-羊城网——懂互联网,更懂广州!

几时带女朋友返屋企食饭啊!

你个仔连女朋友都未有啊,点带啊,妈咪。

阿妈真系觉得生旧叉烧好过生我?-羊城网——懂互联网,更懂广州!

你成日唔讲我点知呢?

sorry啊妈咪,我知我成日都唔喺屋企,以后我会抽多啲时间陪你噶啦。

阿妈真系觉得生旧叉烧好过生我?-羊城网——懂互联网,更懂广州!

 

依啲都冇中枪?仲有!

 

“几时结婚呀。”(结婚,结婚,结完就分,有乜好结喔)阿妈真系觉得生旧叉烧好过生我?-羊城网——懂互联网,更懂广州!

 

我:“今晚又我洗碗啊?”

妈:“你个衰仔好意思讲得出嘅?我辛辛苦苦煮餐饭畀你哋食,食完中想唔做嘢!我煮个阵又唔见你出嚟帮下手,一日净系识得对住部电脑。冇益噶!鬼咁多辐射,夜晚又夜训,挨埋啲夜你估好得戚咩!仲有吖......(以下省略1000字)”(我估计我洗完碗返出嚟佢都未讲完)阿妈真系觉得生旧叉烧好过生我?-羊城网——懂互联网,更懂广州!

 

妈:“去佐边到啊?”

我:“出街咯。”

妈:“边度街啊?”

我:“同朋友去饮嘢。”

妈:“边个朋友啊?”

我:“讲你都唔知。”

妈:“你成日唔讲,梗系唔知拉!”

我:“xxx。”

妈:“边个嚟噶,边度识架?”.....

(永远都系无限延长......所以......我应该一开始就唔答佢!!)阿妈真系觉得生旧叉烧好过生我?-羊城网——懂互联网,更懂广州!

 

“早d翻啊,依家社会复杂,今日报纸先讲有个后生仔比人桶死咗。” (...........)

 

“有人跌咗落河,千奇五好跳落去救人啊,一阵你都瓜埋啊!”

 

冇男朋友或者女朋友嗰阵:“求其稳住个先啦,唔好嫌三嫌四啦!”;有男朋友或者女朋友嗰阵:“睇多几个先啦,使唔使咁急啊?”(咁你究竟想我点啫?)阿妈真系觉得生旧叉烧好过生我?-羊城网——懂互联网,更懂广州!