以下系一个真实故事

类似咁样嘅经历，相信好多自己友都有过。

对于呢种行为，我个人觉得，呢啲人真系好冇品！唔止呃人钱，仲借住“残疾人群体”嘅名义，做一啲有损残疾人群体尊严嘅事！

今日就盘点下，“最冇品”嘅日常行为！

 千年门神 

无论搭巴士定地铁，总会有人钟意霸住门口位，搞到“想上嘅人上唔到，想落嘅人落唔到”……

 逆风食烟

街上面食烟嘅人，虽然唔系室内，并冇规定唔可以食烟，但系都希望烟民唔好边行路边食（或者逆风食烟，二手烟会畀后面嘅人吸晒入肺！）。

 喇叭公放

无论巴士、地铁定系条街，总会有人听歌或者睇电影，然而唔带耳机，而且喇叭仲开到好大声，完全沉浸喺“忘我境地”！

 打尖狂人

搭巴士唔唔排队、上地铁唔排队、去超市买嘢畀钱都唔排队、等电梯又唔排队…做咩都唔排队，你系唔系赶住投胎啊？

 坐厕当踎厕

坐厕就坐啦，怕邋遢、怕细菌咪垫几张纸巾咯，成个踎上去，其他人点用啊？以为自己对鞋好干净啊？

 随地抌垃圾

依家嘅广州，行几步就有一个垃圾桶，行多几步会死咩？最令我不解嘅系，有人钟意抌喺垃圾桶隔离嘅地面上……

 极品大声公

理解唔到有啲人钟意喺公共场合大声讲嘢，讲电话又大声，同人倾偈又大声（两个人距离一米唔到），大佬，以为系自己屋企咩？

 倚老逼让座

最憎巴士地铁上面某啲“长者”，倚老卖老、道德绑架，逼人让座！有一次遇到位阿婶，攞埋个老人证出嚟叫人让座（唔系问我，我坐喺对面），唔让座就出口闹人…

终于我按捺唔住，同佢哋讲：“阿姨，你行多几步嚟我呢度坐啦，你中气仲足过我，行多几步当锻炼啦！唔锻炼多啲摆唔耐嘎！”

边条系你最憎嘅“公共场所冇品行为”？

请将序号+原因喺留言区嗌出嚟！

另外欢迎无限补充！