9月28号，我哋羊城网发起咗一个话题讨论：
食完麦当劳之后，你会唔会自己执餐盘。
话题发出之后，
收到好多自己友嘅观点意见，
主要可以分成两方
正方：执 & 反方：唔执
双方嘅观点意见都
客观、冷静、有理有据！
阿咩将双方嘅观点意见汇总成
三个主要问题
我哋一齐嚟睇睇双方观点啦！
正方
@慧：我是自己执盘，顺手而已…
@guangzhouren：一般情况下自己执
@阿平：我念应该系自己执齐先走，将D残羹摆系盒同袋内边，睇落企里，人都舒服D。
反方
@睿谈天下：M记唔会自己执，但是全家同7仔吃完嘢会自觉执嘢，因为人地张台写住吃完执嘢。
@Mr丶冯：偶然啦，心情好想办下高尚咪执咯，平时都系唔执比较多。
@Fiona：如果繁忙时段，清洁阿姨忙不过来，就自己拾一下，如果不是很忙，就留给阿姨做好了。
阿咩：执唔执真系个人习惯问题啫，同个人素质冇关系。中国嘅麦当劳并冇明文要求食客执餐盘，咁唔执都无可厚非；相反7-11、如家、OK、宜家都系明文写住要自己执，但系喺7-11呢啲，我哋就一定会自己执！
正方
@恺恺：指定动作啦，难道还需要别人伺候吗？
@茹小喵：我一直都是自己执！我们在学校饭堂也是自己俾钱吃饭自己执餐具。点解变了在快餐店就唔一样。要别人收拾？？
@搵→_→貳：我就一般會好順手咁自己執，但係人哋冇規定到，而且有專人負責嘅情況下，就算唔執都唔可以話係道德問題。但係個盤執唔執都好，起碼唔好學似某啲人咁，食到成檯成地好似狗hea竇咁，食完拍拍籮柚就走人，咁樣無疑係增加咗清潔阿姨嘅額外工作量，而且咁樣喺多人嘅時候都會影響到跟住喺嗰張檯用餐嘅客人。
反方
@Gary杰爷：唔執！我表妹話在外國實習1000歐元，麥當勞一個包先幾歐元，一個套餐不超過10歐！中國實習1000RMB，但麥當勞就二三十蚊一個套餐。如此證明一個套餐就包含左超過10蚊嘅服務費。甘點解要執呢？
@蓝天kiss：到外面吃也，不就是服务吗？自己动手不如自己在家煮
@七珈：既然已经消费了，我们消费里面已经包含了服务费，难道我执啦，感会比翻服务费吗？如果比翻一点执。
阿咩：中国嘅麦当劳基本都会安排人手专门负责大堂清洁，不过人真系太多，工作人员忙唔过嚟嘅时候，大家不妨自己花几十秒时间动动手，都系好嘅。都提一个建议，希望各位自己友食还食，唔好搞到“七国咁乱”，咁就算自己唔执，工作人员清洁起上嚟都快好多吖嘛！
正方
@叶仔：起码唔好食到周围都系，搞到立立乱，清洁都麻烦。
@formular：人多时自己收拾一下，减轻一下清洁人员的工作也是好的。
@霸王花王霸：有次见到一间M记有请残障人士工作，虽然人唔多，但系都系自己执走咗。。。
@Sage-chen：我都係自己執～減輕啊姨勞動力！只係M記某腦殘老闆唔係咁惏⋯⋯個個隻手都係高貴的，高等職業低素質。
@楹纸：自己执会有更多人失业？
反方
@广州的空气让人窒息：自己收拾没问题，但是个个都自己收，他们就会少请一个人！又会多一个大妈失业！
@GangsterDomain：我知道自己执係会有礼貌同有素质D！但係我唔执！！下下都需要自己执，清洁阿姨失业啦！！
@日出53092659：看情况，如果人不多久不收拾，如果个个都收拾，那样麦当劳就会减少聘请新员工的数量，因为顾客都自己收拾还请这么多人干嘛，所以为了多个人就业我一般不收拾。
@无穷君：唔执费事搞没人地饭碗。
阿咩：呢个真系两难嘅境地，唔少麦当劳、肯德基餐厅会请啲年纪比较大嘅阿叔阿姨，甚至会请残障人士工作，呢个的确系一件好好嘅事。但系如果餐厅经理见到佢哋喺大堂行嚟行去都搵唔到嘢做，而对佢哋有意见甚至会考虑炒咗佢哋嘅话，我就真系选择唔执了！希望啲餐厅经理唔会咁啦！
执？ VS 唔执？
好多自己友都提到，出国旅游，喺美国、韩国、日本，佢哋喺麦当劳都系自己执餐盘，而且好自觉。但系作为礼仪之邦，中国几千年嚟，一直都有一个传统：客人嚟到，一定要招呼周到！点可以畀客人做嘢？中国人一直认为，要客人做嘢，其实就系招呼不周！相信麦当劳都知道中国呢个传统，所以尊重中国传统，安排人手专门负责清洁工作。但系作为客人，我哋都知道，主动做嘢，其实都系礼貌嘅体现！
总结：
1、大家都系按照自己嘅习惯就得啦！执唔执都冇问题！中国嘅麦当劳餐厅系有工作人员专门负责清洁。
2、人多嘅时候，各位自己友若然唔想等，不妨自己执一执。
3、希望各位自己友对餐厅嘅清洁人员多一啲耐性，毕竟大家都打份工，生活唔易！
自己友Tee「为食人生」系列
益街坊价每件99元
落单即送自己友开饭卡！
（内含消费券100元）
最新评论