广东话真系好神奇，想表达同一个意思，有好多种唔通嘅表达方式,两句完全相反嘅话都可以表达同一个意思，真系博大精深！

例句：

大家咁熟你讲呢啲。

大家咁熟唔好讲呢啲。

反正就系叫你唔好再讲呢啲。

例句：

大家咁熟，客咩气啊。

大家咁熟，唔使客气。

反正去聚会埋单嗰时就系咁讲嘎啦。

例句：

唔读书，有鬼用啊。

唔读书，冇鬼用啊。

反正就系话你冇用！

例句：

做人做到你咁，你去死啦！

做人做到你咁，你唔好去死！

反正你就系抵死！

例句：

警告你，你唔好再讲！

警告你，你试下再讲！

反正就系叫你收声！

例句：

搞成咁，我唔想嘎。

搞成咁，我想嘎？

反正你就系卸紧膊！

例句：

你唔好咁啦！

你做咩咁啫！

反正你就唔好咁啦！

例句：

好烦啊！又要返工啦！

好烦啊！我唔想返工！

反正你都系要死去返工嘎啦！

例句：

同你做咗咁多年朋友，你真系好带协！

同你做咗咁多年朋友，你真系累街坊！

反正就系想同你绝交！

例句：

真系想兜巴星死你！

真系想一锤揼死你！

反正就系想打死你，而且打死先停手。

例句：

其实，你真系好衰。

其实，你真系几好。

反正你都系搵唔到女朋友嘎啦！