掀起煲盖嘅瞬间,打滚嘅蒸汽扑面而来,这是广州煲仔饭嘅煎熬与温柔。
![40分钟嘅青春,换一餐黯然销魂嘅煲仔饭 40分钟嘅青春,换一餐黯然销魂嘅煲仔饭](/images//2017/03/1521169150.gif)
煲仔饭,无论喺夜市里面热闹嘅大牌档,定系门庭若市嘅茶餐厅,都系人气极高嘅一道美食。
电影《食神》里面,好吃到令人流马尿嘅黯然销魂饭就系煲仔饭。
![40分钟嘅青春,换一餐黯然销魂嘅煲仔饭 40分钟嘅青春,换一餐黯然销魂嘅煲仔饭](/images//2017/03/1521169150.jpeg)
煲仔饭历史悠久,2000几年前《礼记注疏》等书记载,周代八珍中嘅第一珍、第二珍同煲仔饭做法一样,改用黄米作为原料,可见喺当时“煲仔饭”系几咁名贵嘅美食。
根据韦巨源《食谱》上所记,到咗唐代叫御黄王母饭,用编缕(肉丝)卵脂(蛋)盖饭面表杂味做成,更具风味。
如今煲仔饭嘅世界丰富多彩,如腊味、冬菇滑鸡、豆豉排骨、猪肝、烧鸭、白切鸡等,风味多达20几种。
![40分钟嘅青春,换一餐黯然销魂嘅煲仔饭 40分钟嘅青春,换一餐黯然销魂嘅煲仔饭](/images//2017/03/1521169150-1.gif)
煲仔饭界有个不成文嘅规则:赶时间一定唔好食煲仔饭。煲仔饭同其他美好嘅事物一样,需要时间等待。
所以,食煲仔饭一定要有耐性,平均40分钟一煲嘅美味,心急永远食唔到!
从生米到煮成熟饭,淋上豉油,再焗几分钟。一定要有呢个过程,瓦煲嘅热力先会将豉油渗入饭同肉度,先更加惹味。
讲到一煲之精华,一定系埋藏喺煲底嘅饭焦。同普通锅巴唔同,煲仔饭嘅饭焦更加滋味深长。
记得鼎爷喺《阿爷厨房》第2集讲到嘅「两面黄煲仔饭」,喺煮煲仔饭嘅时候,将煲翻转烧,令到饭底饭面都有饭焦。简直完美!
![40分钟嘅青春,换一餐黯然销魂嘅煲仔饭 40分钟嘅青春,换一餐黯然销魂嘅煲仔饭](/images//2017/03/1521169151.jpeg)
煲仔饭中最经典嘅品种系腊味饭,喺炉火嘅炙烤中,腊肉腊肠嘅浓郁甘醇被米饭迅速吸纳,从而构成一种奇异嘅香味。
喺每一个寒冷嘅天气,煲仔饭已经成为咗我哋习惯约会嘅对象,睇住炭火中迸发出星火,感受极具穿透力嘅香味……
![40分钟嘅青春,换一餐黯然销魂嘅煲仔饭 40分钟嘅青春,换一餐黯然销魂嘅煲仔饭](/images//2017/03/1521169152.jpeg)
今晚,你会唔会都想去食返个煲仔饭?
睇到呢度,大家可能会觉得唔够喉,因为你哋最关心嘅始终都系【广州边度有好味嘅煲仔饭】呢个终极问题,阿咩特登发咗朋友圈同微博征集▽
大家嘅推荐都比较集中,我已经整理咗出提及率最高嘅前三位,大家得闲可以去品尝下!
![40分钟嘅青春,换一餐黯然销魂嘅煲仔饭 40分钟嘅青春,换一餐黯然销魂嘅煲仔饭](/images//2017/03/1521169152-1.jpeg)
地址:广州市越秀区沿江东路405号(滨江酒店东侧)
综合食评:据说70年代就有,呢家煲仔饭个“煲气”十足,窝蛋牛肉饭饭入边可以食到焦香的炭火味。而且这家饭里面的汁算比较多,吃起来不会干。还有这里有各种啫啫煲,上台时仲滋滋声,够晒滋味!随便一提,老火靓汤也十分推荐,煲出了家的味道!
感谢推荐嘅自己友:@楹纸 @周嘉m @shine
![40分钟嘅青春,换一餐黯然销魂嘅煲仔饭 40分钟嘅青春,换一餐黯然销魂嘅煲仔饭](/images//2017/03/1521169153-1.jpeg)
地址:广州市越秀区万福路289号(万福路文德路十字路口处)
综合食评:店面很小,环境一般,甚至要坐喺阴暗小巷子入面。双拼亦都不过十几廿蚊,就算再加个所谓汤,十蚊八蚊,三十有找。窝蛋牛肉饭系最最最正嘅,有生有熟。
感谢推荐嘅自己友:@啫米淋 @何秀华 @潺佬
![40分钟嘅青春,换一餐黯然销魂嘅煲仔饭 40分钟嘅青春,换一餐黯然销魂嘅煲仔饭](/images//2017/03/1521169153-3.jpeg)
地址:广州市越秀区北京南路44号(近珠光路)
综合食评:好多人排队,饭香肉滑,分量足。缺点就系店铺环境一般,煲仔饭感觉米有小小生,仲有饭焦唔系太多。总体而言出品唔错。
感谢推荐嘅自己友:@鱼鱼 @海格历斯
仲有其他自己友提及嘅店铺,都分享埋畀大家!(PS:有啲地址太模糊实在搵唔到……)
发现好味嘅煲仔饭多数集中喺越秀区,
其他区自己友欢迎来战!
喺你心目中,边间煲仔饭最正?
期待你留言同大家分享下!
![40分钟嘅青春,换一餐黯然销魂嘅煲仔饭 40分钟嘅青春,换一餐黯然销魂嘅煲仔饭](/images//2017/03/1521169155.jpeg)
![40分钟嘅青春,换一餐黯然销魂嘅煲仔饭 40分钟嘅青春,换一餐黯然销魂嘅煲仔饭](/images//2017/03/1521169155.gif)
最新评论